Baadag Jehovah ni ngad pigpiggad ngak ni bochan e ba t’uf rodad. (Mt 22:37, 38) Re t’ufeg ney e aram e n’en nra pi’ gelngin e piin yad be fil e Bible ni ngar thilyeged e ngongol rorad mar pared ni yad ba mudugil u nap’an ni keb e skeng ngorad. (1Jo 5:3) Ku aram e n’en nra k’aringrad ni ngar uned ko taufe.

Mu ayuweg e piin ga be fil e Bible ngorad ni ngar nanged ni yad ba t’uf rok Got. Mu fith boch e deer ngorad ni bod e gal deer ni baaray ni be gaar: “Mang e be fil e re n’ey ngom u murung’agen Jehovah?” ara “Uw rogon ni be dag e re n’ey ni gab t’uf rok Got?” Mu ayuwegrad ni nge tamilang u wan’rad rogon ni be ayuwegrad Jehovah. (2Kr 16:9) Mu weliy boch e kanawo’ ni ke fulweg Jehovah taban e meybil rom riy, mag pi’ e athamgil nga lanin’rad ni ngar tedan’rad nga rogon ni be fulweg Jehovah taban e meybil rorad. Ba gel e felfelan’ ni gad ra tay u nap’an ni gad ra guy ni ke nang e piin gad be fil e Bible ngorad ni yad ba t’uf rok Jehovah, maku yad be dag nib t’uf rorad ma yad baadag ni ngar manged fager rok.

NGAN YALIY FARE VIDEO NI HELP YOUR BIBLE STUDENTS TO DEVELOP A PERSONAL RELATIONSHIP WITH JEHOVAH, NGEMU’ MIN PI’ E FULWEG KO PI DEER NEY:

• Mang magawon e mada’nag Jade?

• Uw rogon ni ayuweg Neeta Jade?

• Uw rogon ni yag ni nge gel Jade ko magawon rok?