N’EN NRAYOG NI NGAM RIN’ U NAP’AN E MACHIB | MU GELNAG E FELFELAN’ ROM U NAP’AN E MACHIB
Ngan Fil Ban’en ngak Be’ u Fithik’ e Pasig
Faanra gad ba pasig, ma rayog ni ngki pasig e girdi’ u toobdad. Rogon fadad pasig e rayog ni nge k’aring e girdi’ ni ngar adaged ni ngar motoyilgad ngodad. Ku be m’ug riy nib ga’ fan u wan’dad e n’en gad be machibnag. Ere demtrug rogon e yalen, ara gin kad bad riy, ara rarogodad, ma rayog ni ngad maruweliyed rogon ni ngaud nonad ma gad be rin’ ban’en u fithik’ e pasig. (Ro 12:11) Ni uw rogon?
Som’on e, ngam lemnag feni ga’ fan e n’en ni ga be machibnag murung’agen. Gab tow’ath nrayog ni ngam machibnag fare “Thin Nib Fel’ ni yib rok Got!” (Ro 10:15) Bin migid e, ngam fal’eg i lemnag rogon nra yib angin fare thin nib fel’ ngak e piin yad ra motoyil ngay. Rib t’uf ni ngar rung’aged e n’en ni ga ra machibnag ngorad. (Ro 10:13, 14) Bin tomur e, ngam non u fithik’ e pasig ni be un paam nge owchem ngay machane yugu dabi pag rogon.
NGAN YALIY FARE VIDEO NI EXPERIENCE THE JOY OF DISCIPLE-MAKING—IMPROVE YOUR SKILLS—TEACHING WITH ENTHUSIASM, NGEMU’ MIN PI’ E FULWEG KO PI DEER NEY:
-
Mang e n’en ni k’aring Neeta ni nge malmal laniyan’ ko fol Bible ni yow be tay Jade?
-
Mang e ayuweg Neeta ni ngki pasig bayay?
-
Faanra gad ba pasig, ma rayog ni ngki pasig e girdi’ u toobdad
Mang fan nsusun e ngaud sapgad nga fel’ngin e piin yad be motoyil ngodad?
-
Faanra gad ba pasig, ma mang angin nrayog ni nge yib ngak e piin gad be fil e Bible ngorad nge yugu boch e girdi’?
