Mang e audio Bible? Audio Bible e aram e thin ni bay ko fare ke Bible ni New World Translation ni kan ngongliy bayay ni kan recordnag ni ngan motoyil ngay. Ku yibe ngongliy u boor mit e thin ni buchuuw ma buchuuw. Reb e ban’en nib manigil ko re audio Bible nem e aram e ba thilthil e girdi’ ni yima fanayrad ni ngar beeged e thin rok be’ nge be’. Yima beeg e thin riy u reb e kanawo’ nra gagiyel e yungin nib t’uf ni nge tamilang riy, miki gagiyel rogon laniyan’ e piin yibe beeg e thin rorad ya nge yag nni beeg e thin ni bay u Bible nib puluw rogon.

Uw rogon ni be yib angin e re audio Bible ney ngak boch e girdi’? Boor e piin yad ma motoyil ngay ni gubin e rran ni ka rogned ni yad baadag rogon ni ma riyul’nag e Thin rok Got u wan’rad. Ka rogned nre n’em nib thilthil e girdi’ ni yad ma rung’ag lamrad ni yad be beeg e thin rok be’ nge be’ e ma ayuwegrad ni nge mom rogon ni ngar susunnaged u lanin’rad e pi n’en ni i buch ni bay murung’agen u Bible, miki tamilang u wan’rad e n’en bay riy. (Pr 4:5) Ku boor e girdi’ ni ka rogned nnap’an ni yad ra motoyil ko audio Bible u nap’an ni be magafan’rad, ma ma gapaseg lanin’rad.​—Ps 94:19.

Ra ud rung’aged e Thin rok Got ni yibe beeg nib ga’ lamay, mab ga’ angin nra yib ngodad. (2Kr 34:19-21) Faanra kan ngongliy e re audio Bible ney u reb e thin ni ga manang, ma rayog ni ngam guy rogon ni ngaum motoyil ngay ni gubin ngiyal’, fa?

NGAN YALIY FARE VIDEO NI PRODUCTION OF THE AUDIO BIBLE​—EXCERPT, NGEMU’ MIN PI’ E FULWEG KO RE DEER NEY:

Mang e ri ga baadag u rogon ni kan ngongliy fare audio Bible?