Sabethin ni gad ma tay e girdi’ e aram reb e kanawo’ nib manigil nrayog ni ngad machibnaged e girdi’ riy. Faanra yigi pag rogon nda lemnaged rogon ni gad ra fanay reb e thin nu Bible, ma rayog ni ngad rusgad ni ngad tababnaged e numon ngak be’. Ere mu lemnag rogon ni ngam dag ni ga be lemnag facha’ ko bin ni nge magafan’um nga rogon ni ngam machibnag. (Mt 22:39; Fil 2:4) Faanra ke mab e kanawo’ ngom ni ngam weliy e michan’ rom u nap’an ni gimew be sabethin be’, ma boor ban’en nrayog ni nge ayuwegem.

Uw rogon nrayog ni ngam fanay e pi n’en ni baaray ni ngam machib u nap’an ni ke weliy be’ murung’agen ban’en ko ngiyal’ ni gimew be sabethin?

NGAN YALIY FARE VIDEO NI “IRON SHARPENS IRON”​—STARTING CONVERSATIONS, NGEMU’ MIN PI’ E FULWEG KO RE DEER NEY:

Mang dalip ban’en nrayog ni nge ayuwegdad ni ngad mon’oggad u rogon ni gad ma non ko girdi’?