TIN MA RIN’ E PIIN KRISTIANO
Mu Lemnag Rarogom ni Bod ni Ma Lemnag Jehovah
“I Somol e ba felfelan’ ngak e girdi’ rok.” (Ps 149:4, BT) Yugu aram rogon ndawor da flontgad, machane ma yaliy Jehovah fel’ngidad ma manang e tin nrayog ni ngad rin’ed boch nga m’on. Machane yu ngiyal’ e rayog ni nge mo’maw’ ni nge puluw rogon ni gad ma lemnag rarogodad. Rayog ni ngaud lemnaged ndariy fadad ni bochan rogon e ngongol ko girdi’ ngodad. Fa reb e faanra ud lemnaged e oloboch ni ud rin’ed kafram, ma rayog ni nge maruwar u wan’dad ko riyul’ ni gad ba t’uf rok Jehovah fa danga’. Ere mang e rayog ni nge ayuwegdad u nap’an nra yib e tiney e lem ngodad?
Dab mu pagtalin ni Jehovah e ma guy e n’en ndabiyog ni nge guy e girdi’. (1Sa 16:7) Re n’ey e be yip’ fan nrayog ni nge guy boch ban’en u rarogodad ndabiyog ni ngad guyed. Be ayuwegdad e Bible ni ngad nanged rogon ni ma lemnagdad Jehovah. Rayog ni ngad rin’ed e re n’ey u nap’an ni gad ra beeg boch e thin nu Bible nri be dag gelngin nri ma t’ufeg Jehovah e pi tapigpig rok.
NGAN YALIY FARE VIDEO NI PERSUADE YOUR HEART BEFORE JEHOVAH, NGEMU’ MIN PI’ E FULWEG KO PI DEER NEY:
-
Mang e be fil fare fanathin ni murung’agen fare pagel ni be un ko sagreng nge chitamangin ngodad u rogon ni ma lemnagdad Jehovah?
-
Faanra ke rin’ be’ reb e denen nib ubchiya’ machane me rin’ e n’en nib t’uf ni nge rin’ ya nge yag ni ngki fel’ e tha’ u thilrow Jehovah, ma uw rogon nrayog ni ngki pagan’ bayay?—1Jo 3:19, 20
-
Nap’an ni beeg fare walag ni pumoon murung’agen David nge Jehoshafat me fal’eg i lemnag, ma uw rogon ni yib angin ngak?
