BOCH E THIN NIB GA’ FAN KO THIN ROK GOT | GENESIS 32-33
Ga Be Rin’ Urngin Ban’en Nrayog Rom Ya Nge Yag Nni Tow’athnagem, Fa?
Ra nge tow’athnagdad Jehovah, ma thingar da maruwelgad nib gel ni ngad m’oneged e tirok Got ban’en u lan e yafos rodad. (1Ko 9:26, 27) Yugu aram rogon ni ke pilibthir Jakob machane i m’oneg e tirok Got ban’en. Ere ku arrogodad ni thingar da folwokgad ko n’en ni rin’ ma gad lebguy e maruwel rodad ni gad e piin Kristiano. Ra m’ug ni gad baadag ni nge tow’athnagdad Jehovah ni faan gad ra . . .
-
Fal’eg rogodad ni fan ko muulung
-
Un ko machib ni gubin ngiyal’
-
Athamgil ni ngad ayuweged e girdi’ ko ulung rodad
Yugu demtrug gelngin e magawon rom, ma ngam meybil ngak Jehovah ni nge ayuwegem, mag guy rogon nra tow’athnagem ko athamgil ni ga be tay ni ngam pigpig ngak.
MU FITHEM NI NGE LUNGUM, ‘Mang boch e kanawo’ ni ku rayog ni nggu athamgil boch riy ya nge yag ni tow’athnageg Jehovah?’
