PI N’EN NI MA RIN’ E PIIN KRISTIANO

Manang Jehovah e N’en nib T’uf Rodad

PLAY

Ma pi’ fare tapigpig nib yul’yul’ mab gonop e ggan ngodad ni fan ko tirok Got ban’en ko “ngiyal’ ni yima pi’ riy.” Re n’ey e be yip’ fan ni Jehovah ni ir e be pow’iy e re tapigpig ney e manang e n’en nib t’uf rodad ni fan ko tirok ban’en. (Mt 24:45) Bin riyul’ riy e, boor ban’en ni ma pi’ Jehovah ni nge micheg ni be ayuwegdad ko tirok ban’en nib muun ngay e pi regional convention nge muulung ni gad ma tay u lan e wik.

NGAN YALIY FARE VIDEO NI KENGGIN E 2017 TEACHING COMMITTEE REPORT, NGEMU’ MIN PI’ E FULWEG KO PI DEER NI BAARAY:

Mini’ e susun ni ngan pining e sorok ngak ni bochan e pi convention ni gad ma felfelan’ ngay nib puluw e ngiyal’ ni yima pi’ riy, ma mang fan?
Mingiyal’ e ma tabab e pi walag ni ngar yarmiyed rogon e pi n’en ni bay rogon ko pi convention ni gad ma tay?
Uw rogon ni yima dugliy e pi n’en ni yira weliy u nap’an reb nge reb e convention?
Mang boch e maruwel ni yima rin’ u nap’an ni yibe fal’eg rogon e convention ni ngan tay?
Uw rogon ni kan fanay e kanawo’ u rogon ni yima fil ban’en ko fare skul u Gilead ni ngan ngongliy rogon e tin ni yira tay ko fare babyor ni gad ma fil u nap’an e muulung ni gad ma tay u lan e wik?
Uw rogon ni ma maruwel boch e department u taabang ni ngar fal’eged rogon e tin ni ngan fil u lan fare babyor ni gad ma fanay u nap’an e muulung u lan e wik?