5:5-7, 11

Rab gafgow be’ nu Israel ma der yip’ fan ndabiyog ni nge par nib gapas thilrow Jehovah. Mus ngak be’ nu Israel nrib gafgow, maku rayog ni nge ognag ban’en ngak Jehovah nra fel’ u wan’ ni faanra pi’ e tin th’abi fel’ ni bay rok. Rayog ni ngar ognaged e merikengko ngak Jehovah, machane baadag Jehovah ni ngar pied e “tin th’abi fel’” e merikengko ni yima fanay ni fan ngak be’ nib ga’ fan ni ke yib nga reb e tabinaw. (Ge 18:6) Ngiyal’ ney e ba m’agan’ Jehovah ko tin th’abi fel’ e “maligach rodad” ni gad ma pining e sorok riy ngak ni yugu aram rogon nsana buchuuw ban’en nrayog ni ngad rin’ed ni bochan rarogodad.​—Heb 13:15.

Uw rogon nrayog ni nge pi’ e re n’ey e athamgil nga lanin’um ni faanra dabkiyog ni ngam rin’ urngin ban’en ni um rin’ kafram ni bochan e kam m’ar ara ga be meewar i yan?