Kab kafram i yib ni boor ban’en ni be rin’ e pi tapigpig rok Jehovah ni yira ngat ngay ni bochan e be ayuwegrad, ma gathi bochan e salap rorad. Nap’an e duw ni 1954, me ngongliy e ulung rok Jehovah ba video ni kenggin e The New World Society in Action. Re video ney e ngongliy boch e walag ni yad ma maruwel u Bethel ndariy ban’en ni yad manang u rogon i ngongliy e kachido. I yag ni ngan rin’ e re maruwel ney ni bochan gelngin Jehovah nib thothup. Re n’ey e be ayuwegdad ni nge pagan’dad ni faan gad ra taga’ ngak Jehovah, ma demtrug e maruwel ni kan pi’ ngodad, ma rayog ni ngad rin’ed nib fel’ rogon.​—Zek 4:6.

NGAN YALIY FARE VIDEO NI PRODUCING “THE NEW WORLD SOCIETY IN ACTION,” NGEMU’ MIN PI’ E FULWEG KO PI DEER NEY:

• Mang fan nni dugliy ni ngan ngongliy ba video ni murung’agen e tochuch rodad?

• Uw rogon ni ke m’ug ko re video ney ni maruwel ni yima rin’ u Bethel e bod rogon ni ma maruwel e dowef ko girdi’?​—1Ko 12:14-20

• Mang boch e magawon ni mada’nag e pi walag u nap’an ni yad be ngongliy e re video ney, ma uw rogon nra pithiged e pi magawon nem?

• Mang e be fil e re n’ey ngodad u murung’agen gelngin Jehovah nib thothup?