Yu ngiyal’ e rayog ni ngad lemnaged nde ga’ fan u wan’ yugu boch e girdi’ e maruwel nib gel ni gad ma rin’ ni fan ngorad, mab papey ni yad ma pagtalin. Machane uw rogon e maruwel ni gad ma rin’ ni fan ngak Jehovah? Got rodad e ba ga’ fan u wan’ e maruwel ni gad ma rin’, ma der ma pagtalin e athamgil ni gad ma tay ni fan ko pigpig rodad ngak. Dabi digeydad ngki mada’ ko ngiyal’ ndabkiyog ni ngad rin’ed boor ban’en ni fan ngak ni bochan e kad m’argad.​—Heb 6:10.

NGAN YALIY FARE VIDEO NI JEHOVAH REMEMBERS, NGEMU’ MIN PI’ E FULWEG KO PI DEER NEY:

• Uw rogon nib gel e maruwel ni i tay Brother Hibshman ni fan ngak Jehovah u nap’an ni be rin’ boch e maruwel ni fan ko pigpig rok?

• Uw rogon nde pag Jehovah talin Brother Hibshman u tomuren ni yim’ leengin ngu tomuren ni ke pilibthir ndabkiyog ni nge rin’ boch ban’en ni i rin’ kafram?

• Mang fan nrayog ni nga dogned ni boor e tow’ath ni ke yag ngak Brother Hibshman u n’umngin nap’an ni ke pigpig u polo’ e tayim rok?​—Pr 10:22