PI N’EN NI MA RIN’ E PIIN KRISTIANO
Gimed e Piin Fel’ Yangaren—Jehovah e Ir e Bin Th’abi Fel’ e Fager Romed, Fa?
Mang boch e fel’ngin ni ga baadag ni nge m’ug rok reb e fager rom? Dabisiy nib ga’ fan u wan’um e piin yad ba yul’yul’, ma yad ba sumunguy, ma yad ba gol. Gubin e pi fel’ngin ney ni ma dag Jehovah. (Ex 34:6; Ac 14:17) Ma motoyil u nap’an ni ga ra meybil ngak, maku ma ayuwegem ko ngiyal’ ni ke t’uf e ayuw rom. (Ps 18:19, 35) Ku ma n’ag fan e oloboch rom. (1Jo 1:9) Ere Jehovah e ir e bin th’abi fel’ e Fager nra yag ngom!
Uw rogon nrayog ni ngam mang fager rok Jehovah? Ngam fil murung’agen ni aram e ngaum beeg e Thin rok. Mu weliy lanin’um ngak. (Ps 62:8; 142:2) Mu dag nib ga’ fan u wan’um e tin nib ga’ fan u wan’, ni bod rogon Fak, nge Gil’ilungun, nge pi n’en ni ke micheg ni fan ngodad boch nga m’on. Mu weliy murung’agen ngak yugu boch e girdi’. (De 32:3) Faan ga ra guy rogon ni nge chugur e tha’ u thilmew Jehovah, ma ra par ni ir e Fager rom ni manemus.—Ps 73:25, 26, 28.
NGAN YALIY FARE VIDEO NI KENGGIN E YOUTHS—“TASTE AND SEE THAT JEHOVAH IS GOOD,” NGEMU’ MIN PI’ E FULWEG KO PI DEER NI BAARAY:
-
Mang e ngam rin’ ya nge yag nim ognagem ngak Jehovah ngam un ko taufe?
-
Uw rogon nrayog ni nge ayuwegem e pi walag u lan e ulung ya nge yag nim pigpig ngak Jehovah?
-
Uw rogon ni ma gelnag e machib ni ga ma tay e tha’ u thilmew Jehovah?
-
Tha’ u thilin Jehovah nge be’ e rayog ni nge par ni manemus!
Mang boch e maruwel nrayog ni ngam un i rin’ u lan e ulung rok Jehovah?
-
Mang e ga baadag u rarogon Jehovah?
