I machibnag Jesus “fare Thin Nib Fel’ ni murung’agen e gagiyeg rok Got.” (Lu 4:43) Ki fil ngak e girdi’ ni ngar yibilayed murung’agen Gil’ilungun Got. (Mt 6:9, 10) Nap’an fare pul ni November, ma gad ra athamgil ni ngad weliyed murung’agen Gil’ilungun Got ngak urngin e girdi’ nrayog. (Mt 24:14) Rayog ni ngam fal’eg e schedule rom ya nge yag nim un ko re campaign ney ni yira tay. Urngin e piin yad ra un ko pioneer ni ayuw e rayog ni ngar machibgad u lan 30 ara 50 e awa u lan e re pul nem.

Mu beeg reb e thin nu Bible ni bay rogon nga Gil’ilungun Got ngak urngin e girdi’ nrayog rom ko gin ga ma machib riy. Nap’an ni ga be fal’eg i lemnag e thin nu Bible ni ngam beeg ko girdi’, ma ngkum lemnag ko mang e teliw rorad. Faanra baadag facha’ ni kam mada’gow ko yay som’on e n’en kam weliyew murung’agen, mag pi’ ba ken Fare Wulyang ko Damit No. 2 2020 ngak ni fan ko girdi’ ni yoor. Mu sul ngam guy nib papey mag guy rogon ni ngam tababgow i fil e Bible ni gimew be fanay ba ken e babyor rodad ni bay ko fare Tafen Talin e Maruwel ni Yima Fil Ban’en Riy ko Girdi’. Dabki n’uw nap’an ma bayi thang Gil’ilungun Got urngin e am ni be togopuluw ngay. (Da 2:44; 1Ko 15:24, 25) Ere aram fan ni ngad athamgilgad ngad fanayed e re ngiyal’ i n’em ni ngad daged e yul’yul’ rodad ngak Jehovah nge Gil’ilungun!