N’EN NRAYOG NI NGAM RIN’ U NAP’AN E MACHIB | MU GELNAG E FELFELAN’ ROM U NAP’AN E MACHIB
Nge M’agan’um ko Ayuw ni Ma Pi’ e Pi Walag Ngom
Ke pi’ Jehovah boch e walag ngodad ni “Kristus e ke michan’rad ngak” nrayog ni ngar ayuweged gadad. (1Pe 5:9) Rayog ni ngar ayuweged gadad ni ngad gelgad nga boch e magawon ni gad ma mada’nag u nap’an e machib. Apostal Paul e yib angin ngak e ayuw ni pi’ Aquila nge Priscilla, nge Silas, nge Timothy, nge yugu boch e girdi’.—Ac 18:1-5.
Uw rogon nrayog ni nge ayuwegem e pi walag u nap’an e machib? Rayog ni nga rogned e n’en ni nga mog ngak be’ ni be togopuluw ngom, ara rogon ni ngam sul ngak e girdi’ ni kam mada’nag u nap’an e machib, ara rogon ni ngam ognag mag fil e Bible ngak be’. Am lemnag be’ u lan e ulung rom nrayog ni nge ayuwegem mag ning e ayuw ngak. Dariy e maruwar riy nra yib angin e re n’ey ngomew ni gimew l’agruw, miki yibnag e felfelan’ ngomew.—Fil 1:25.
NGAN YALIY FARE VIDEO NI EXPERIENCE THE JOY OF DISCIPLE-MAKING—ACCEPT JEHOVAH’S HELP—OUR BROTHERS, NGEMU’ MIN PI’ E FULWEG KO PI DEER NEY:
-
Uw rogon ni guy Neeta rogon ni nge pi’ e athamgil nga laniyan’ Jade ni nge un ko muulung?
-
Mang fan nsusun e ngaud pininged yugu boch e walag ni ngar uned ngodad u nap’an ni ngad filed e Bible ngak be’?
-
Gubin e walag u lan e ulung nib t’uf ni ngar pied e ayuw ni ngan pingeg be’ nge mang reb i gachalpen Jesus
Mang ban’en ni baadag Jade maku baadag Abigay?
-
Mang boch ban’en nrayog ni nge fil e pi walag ngom u nap’an e machib?
