Faanra be mo’maw’ ni ngad pirieged e maruwel ni ngad uned ngay, ma rayog ni nge mo’maw’ ni ngad m’oneged u wan’dad e Gagiyeg rok Got nge tin nib m’agan’ ngay. Ere ba mom ni ngad adaged ni ngad uned nga reb e maruwel nra magawonnag e pigpig rodad ngak Jehovah, ara ba togopuluw ko pi kenggin e motochiyel u Bible. Machane rayog ni nge pagan’dad ni Jehovah e ma dag gelngin ni fan ngak e “piin yad ba yul’yul’ ngak u gum’ircha’rad.” (2Kr 16:9, BT) Dariy ban’en nrayog ni nge taleg e Chitamangidad ndab ki ayuwegdad me pi’ e tin nib t’uf rodad. (Ro 8:32) Ere nap’an ni gad be dugliy boch ban’en ni bay rogon ko maruwel ni ngad uned ngay, ma thingari pagan’dad ngak Jehovah ma gad m’oneg u wan’dad e pigpig ni gad be tay ngak.​—Ps 16:8.

NGAN YALIY FARE VIDEO NI WORK WHOLE-SOULED FOR JEHOVAH, NGEMU’ MIN PI’ E FULWEG KO PI DEER NEY:

• Mang fan ni siyeg Jason ni nge fek e salpiy ni kan ognag ngak u fithik’ e sasalap?

• Mang rogon fare thin ko Kolose 3:23 ngodad?

• Uw rogon ni yib angin ngak Thomas e ngongol nib fel’ ni dag Jason?

• Mang rogon fare thin ko Matthew 6:22 ngodad?