N’EN NRAYOG NI NGAM RIN’ U NAP’AN E MACHIB | MU GELNAG E FELFELAN’ ROM U NAP’AN E MACHIB
Mu Fanay e Pi Talin e Maruwel ni Gad Ma Gay Murung’agen Boch Ban’en Riy
Ma pi’ Jehovah boch e talin e maruwel ngodad ni ma ayuwegdad ni ngad filed ban’en ko girdi’ nib fel’ rogon ni bod e pi video, nge tract, nge magazine, nge brochure, nge yu ken e babyor. Ma bin th’abi ga’ fan ko pi talin e maruwel ney e aram e Bible. (2Ti 3:16) Ki pi’ boch e talin e maruwel nrayog ni nge ayuwegdad u rogon ni ngad weliyed fan e thin nu Bible. Pi n’ey e ba muun ngay e Watchtower Library, nge fare app ni JW Library®, nge LIBRARY U ONLINE ni Fan ko Wulyang ko Damit™, nge Research Guide for Jehovah’s Witnesses.
Ga ra felfelan’ u nap’an ni ga ra fanay urngin e pi talin e maruwel ni kan ngongliy ni nge ayuwegem ni ngam fal’eg i gay murung’agen boch ban’en nib toar fan u lan e Bible. Mu guy rogon ni ngkum fil ngak e piin ga be fil e Bible ngorad rogon ni ngar fanayed e pi talin e maruwel ney. Yad ra rin’ e re n’ey, maku yad ra felfelan’ ni ngar pirieged e fulweg u boch e deer rorad u murung’agen e Bible.
NGAN YALIY FARE VIDEO NI EXPERIENCE THE JOY OF DISCIPLE-MAKING—ACCEPT JEHOVAH’S HELP—USING RESEARCH TOOLS, NGEMU’ MIN PI’ E FULWEG KO PI DEER NEY:
-
Mang ban’en ni yog Jade nde puluw u wan’ u murung’agen e tin kan sunmiy?
-
Uw e pirieg Neeta boch ban’en riy u murung’agen e re n’ey?
-
Gad ma felfelan’ u nap’an ni gad ra pirieg boch ban’en u Bible ma gad weliy ngak yugu boch e girdi’
Uw rogon ni mel’eg boch ban’en nra m’ag ngak Jade?
-
Mang angin ni yib ngak Neeta ni bochan e fanay e pi talin e maruwel ni gad ma gay murung’agen boch ban’en riy?
