TIN MA RIN’ E PIIN KRISTIANO
Mu Fanay Fare Ke Babyor ni Enjoy Life Forever! u Nap’an e Machib
Ri gad ba felfelan’ ni ke yag ba ken e brochure nge ba ken e babyor nrayog ni ngad fanayed ko fol Bible! Gad be yibilay ni nge tow’athnagdad Jehovah ko athamgil ni gad be tay ni ngad yognaged boch e girdi’ ni ngar manged pi gachalpen Jesus. (Mt 28:18-20; 1Ko 3:6-9) Ere uw rogon ni ngad fanayed e gal ke babyor ney?
Bochan ni ke thil rogon ni yibe fil e tin riyul’ ko girdi’ ni yibe fanay fare ke babyor ni Enjoy Life Forever!, ya ke yoor e deer ni yibe fith ma ke yoor ban’en ni nge weliy e en yibe fil e Bible ngak, ma aram fan nib t’uf ni ngan fol ko pi n’en baaray u nap’an ni yibe fal’eg rogoy ni ngan fil e Bible ngak be’, ngu nap’an ni yibe fil e Bible ngak. *
-
Ngan beeg e n’en ngan fil min weliy e pi deer ni bay riy
-
Mu beegew e thin nu Bible ni bay fare thin riy ni “mu beeg” nge “mu beegew” mag ayuweg e en ga be fil e Bible ngak ni nge nang rogon ni nge fol riy
-
Mu pag e pi video ni bay riy mi gimew weliy u taabang ni ga be fanay e pi deer ni bay riy
-
Mu guy rogon ni ngam mu’nagew reb e guruy u nap’an e fol Bible ni gimew ra tay
Nap’an ni ga be yan ko machib, ma som’on e ngam pi’ fare brochure ya nge yag nim nang ko riyul’ ni baadag be’ ni nge fil e tin riyul’ fa danga’. (Mu guy fare kahol ni kenggin e “ Rogon ni Ngam Pi’ Fare Ke Brochure ni Mu Par Ndariy N’umngin Nap’an ni Gab Felfelan’! ko Yay Nsom’on ni Kam Mada’nag Be’.”) Faanra kam mu’nagew facha’ fare brochure ma baadag ni ngam ululgow ko fol Bible, ma aram mag pi’ fare ke babyor ngak mi gimew tabab i fil e guruy ni 04. Faanra ga be fil e Bible ngak be’ ni gimew be fanay fare ke babyor ni Be Fil e Bible ara fare ke babyor ni Gad Ba T’uf rok Got, ma rayog ni ngam talgow ngam filew e ken ney ni Enjoy Life Forever! mag dugliy e gin ni ngam tababgow riy.
NGAN YALIY FARE VIDEO NI WELCOME TO YOUR BIBLE STUDY, NGEMU’ MIN PI’ E FULWEG KO PI DEER NEY:
-
Mang e ra fil e piin yad be fil e Bible ko ken ney e babyor ni ka fin ni ngongliy?
-
Mang fan nsusun e ngam dag e re video ney ngak e piin ka fin ra tababgad i fil e Bible?
-
Mang boch ban’en nrayog ni ngam pi’ e athamgil nga laniyan’ be’ ni be fil e Bible ni nge nameg me guy rogon ni nge rin’?—Mu guy fare chart ni “ N’en ni Ngan Nameg u Reb e Guruy”
^ par. 4 MU TAY FANAM I YAN RIY: Yugu aram rogon ni gur e ngam mel’eg ko gimew ra weliy e pi n’en bay u tan fare thin ni “Mu Gay Murung’agen” u nap’an e fol Bible ni gimew be tay be’ fa danga’, mab t’uf ni ngam beeg ara ngam yaliy e pi n’ey u nap’an ni ga be fal’eg rogom. Faan ga ra rin’ e re n’ey, ma aram e ga ra nang e n’en nra adag e en ga be fil e Bible ngak ni nge nang nge n’en nra ayuweg. Bin nrayog ni ngan downloadnag e ba muun ngay boch e link ko video nge ku boch ban’en.
|
N’EN NI NGAN NAMEG U REB E GURUY |
|||
|---|---|---|---|
|
GURUY |
N’EN NI NGAM NAMEG |
BOCH BAN’EN NI NGE NAMEG E EN BE FIL E BIBLE |
|
|
01-12 |
Mu lemnag rogon nrayog ni nge ayuwegem e Bible, nge rogon ni ngam nang e En ni Thin Rok e bay riy |
Mu pi’ e athamgil nga laniyan’ e en gimew be fil e Bible ni nga i beeg e Bible rok, ma be fal’eg rogon u m’on ko fol Bible romew, me tabab ni nge un ko muulung |
|
|
13-33 |
Mu fil murung’agen e n’en ke rin’ Got ni fan ngodad nge rogon e liyor nib m’agan’ ngay |
Mu pi’ e athamgil nga laniyan’ ni nge weliy e tin be fil ngak yugu boch e girdi’, me bung rogon ni nge un ko machib |
|
|
34-47 |
Mu fil murung’agen e n’en nib m’agan’ Got ngay ni nge rin’ e pi tapigpig rok |
Mu pi’ e athamgil nga laniyan’ ni nge ognag e yafos rok ngak Jehovah nge un ko taufe |
|
|
48-60 |
Mu fil rogon ni ngam par ni gab t’uf rok Got |
Mu fil ngak rogon ni nge nang e n’en nib thil u thilin e tin nib fel’ nge tin nib kireb, me mon’og ko tirok Got ban’en |
|
