Ga baadag ni ga ma fanay fapi video nge deer ni bay ko fare ke babyor ni Mu Par Ndariy N’umngin Nap’an ni Gab Felfelan’!, fa? Ma uw rogon e “Ma Gaar Boch e Girdi’,” nge “N’en Ngam Nameg,” nge “Mu Gay Murung’agen”? Ku mang boch ban’en ko re ke babyor ney nrayog ni nge ayuwegem u nap’an ni ga be fil e Bible ngak be’?​—Mt 28:19, 20.

Boch e Video nge Article: Faanra ga be lemnag ni ngam fanay e ken ni kan printnag ni ngam fil e Bible ngak be’, ma uw rogon ni nge mom ngom ni ngam guy urngin e video nge article ni kan tay nga taabang i ban’en? Mman ko ken ni bay ko app ara website, mag mel’eg reb ko fa aningeg i section. Mman ko bin th’abi nga but’ riy, mag mel’eg e gin bay urngin e video nge article riy ni fan ko re section nem. (Mu guy e bin 1 e sasing.)

Fare setting ni “Printed Edition”: Faanra ga be fil e Bible ngak be’ ni ga be fanay e phone ara tablet rom, ma sana ra ayuwegem fare setting ni “Printed Edition” u nap’an ga be fil e Bible ngak facha’. Nap’an ni gimew bay u reb e guruy, mag tap ko fa dalip i dot ni bay ko toolbar u lang ko fare page mag mel’eg e “Printed Edition.” Rayog ni nge ayuwegem e re n’ey ni ngam lemnag rogon nib peth e n’en gimew be weliy nga kenggin fare guruy u nap’an ni gimew be fil. Ra ngam sul ko digital edition, mag tap ko fa dalip i dot bayay mag mel’eg e “Digital Edition.”

“Ke Bung Rogog, Fa?”: Gal kahol ney nib chugur nga tungun e re ke babyor ney e be weliy e n’en nib t’uf ni nge rin’ be’ ya nge yag ni bung rogon ni nge un ko machib nge taufe. (Mu guy e bin 2 e sasing.)

Yugu Boch e Thin: N’en bay u roy e ku be weliy boch ban’en u murung’agen boch e machib ni kan fil nib ga’ fan. Ken ni digital e bay e link u tungun reb e endnote nge reb ni ga ra tap ngay me sulwegem ko gin um moy riy u reb e guruy. (Mu guy e bin 2 e sasing.)