Bay boch e article nge video ko home page ko website rodad ni kan ngongliy ni nge adag e girdi’ ni gathi yad e Pi Mich Rok Jehovah ni yad baadag ni ngar nanged e tin riyul’. (Ac 13:48) Ba ga’ ni ma weliy murung’agen boch ban’en ni ke m’ug ko news ara boch ban’en ni be lemnag e girdi’ ma yad be weliy murung’agen.

Uw rogon nrayog ni ngam fanay e home page ko jw.org u nap’an e machib?

• Um yaliy e re website ney ni gubin ngiyal’. Mu tay fanam i yan ko pi article ni ka fin tay ngaram, mag lemnag rogon nrayog ni ngam fanay ni ngam ayuweg be’ ni baadag e machib. (Ra ngkum guy boch ban’en ni ka fin immoy ko home page, mag click ko fare thin ni “See More.”) Faanra um yaliy e re website ney ni gubin ngiyal’ ma ra ayuwegem ni ngam nang boch ban’en ni kab beech nrayog ni ngam fanay u nap’an e machib.

• Mu fanay e pi article nge video ni bay ko home page ni ngam tababnag e numon ngak be’. Pi n’ey e rayog ni nge ayuwegem ni ngam nang e n’en nrayog ni be lemnag e girdi’ ko gin ga be machib riy.

• Mu dag e re home page nem ko girdi’. Mu dag boch ban’en riy ngak be’ mu kum dag ngak rogon ni nge pirieg boch ban’en ko re website ney.

• Mu pi’ e link u ban’en riy ngak be’. Bay boch e girdi’ ndubrad ni ngar nonad ngodad, machane ba m’agan’rad ngay ni nga ranod ko website rodad. Ere dab mu magagawon ni ngam pi’ e link ko home page ko re website ney ngak be’ ara link u reb e article ara video ni bay riy.