Mang e N’en ni Be Yog e Bible?
Gur, girdi’ e ke sunmiy e pi yurba’ i teliw?
BOCH E GIRDI’ E BA MICH U WAN’RAD ni girdi’ e ir e ke sunmiy e pi yurba’ i teliw; ma boch e yad ma lemnag ni ma fanay Got e pi yurba’ i teliw ni nge ayuweg e girdi’ ni ngar chugurgad ngak. Uw rogon ni ga be lemnag?
N’EN NI BE YOG E BIBLE
Bay barba’ e teliw “nib machalbog ma ba riyul’” u wan’ Got. (James 1:27) Ba’ nriyul’ e teliw e ke yib rok Got.
MANG E KU RAYOG NI NGAD FILED U LAN E BIBLE?
Faanra nge fel’ barba’ e teliw u wan’ Got ma thingari puluw e machib riy ko tin riyul’ u lan e Bible.—John 4:23, 24.
Pi yurba’ i teliw ni yad ma machibnag boch e machib ni ke sum ko girdi’ e ba m’ay fan.—Mark 7:7, 8.
Rib ga’ fan ni ngan un nga barba’ e teliw, fa?
MANG E GA RA YOG?
Arrogon
Danga’
Be yan u rogon
N’EN NI BE YOG E BIBLE
“Nge bagadad ma ngi i lemnag bagadad, ma nge bagadad ma ngi i ayuweg bagadad ma be dag ngak nib t’uf rok ma be rin’ e tin nib fel’ ngak, ma ngad guyed rogon ndab da paged e muulung rodad.” (Hebrews 10:24, 25) Baadag Got ni nga i muulung e pi tapigpig rok nga taabang.
MANG E KU RAYOG NI NGAD FILED U LAN E BIBLE?
Piin ni yad ma liyor ngak Got u taabang e susun ni nge taareb e michan’ rorad.—1 Korinth 1:10, 11.
Girdien reb e teliw nib fel’ u wan’ Got e yad ba ulung i walag ni yad bay u ga’ngin yang e fayleng.—1 Peter 2:17.
