Kam fal’eg i beeg fa yu ken nem e Wulyang ko Damit ni kan ngongliy ndawori n’uw nap’an, fa? Am guy ko rayog ni ngam pi’ e fulweg ko pi deer ni baaray fa dabiyog:

Mang fan ni i pag Jehovah piyu Israel ni ngaur mahlgad kakrom?

Ma t’ufegey Jehovah. Machane, immoy yu ngiyal’ ni i pag e girdi’ rok ni ngar mahlgad ni bochan e be magawonnagrad ara be gafgownagrad e pi toogor rorad. Yugu aram rogon, ma ir e ma dugliy e piin ni yad ra un ko mahl nge ngiyal’ ni ngan mahl riy.​—w15 11/1, pp. 4-5.

Mang boch ban’en nib ga’ fan nrayog ni nge rin’ e piin gallabthir ya nge yag nra ayuweged pi fakrad ni ngar pigpiggad ngak Jehovah?

Ba ga’ fan ni nga i t’ufeg e piin gallabthir pi fakrad ni ke fel’ yangarrad, mar daged e sobut’an’. Kub ga’ fan ni nge dag e piin gallabthir nib tamilangan’rad mar guyed rogon ni ngar nanged rarogon pi fakrad ni ke fel’ yangarrad.​—w15 11/1, pp. 13-17.

Mang fan nde puluw ni ngan lemnag ni en ni ir e pope e aram e en ni ke yan nga lon Peter?

Der yog e Matthew 16:17, 18 ni apostal Peter e ir e en nra mang lolugen e ulung ni Kristiano. Der yog e Bible ni Peter e ir e en nra par nth’abi ga’ fan u lan e ulung, ya be yog ni Jesus e ir fare malang nth’abi ga’ fan. (1 Pet. 2:4-8)​—w15 12/1-E, pp. 12-14.

Mang boch ban’en nsusun e ngad lemnaged u m’on ni ngad nonad?

Ra ngad fanayed bolowthdad nib fel’ rogon, ma bay dalip ban’en nsusun e ngad lemnaged ni aram e (1) ngiyal’ ni ngad nonad (Ekl. 3:7), (2) n’en ni nga dogned (Prov. 12:18), nge (3) rogon ni ngad nonad (Prov. 25:15).​—w15 12/1, pp. 19-22.

Mang boch e ngongol u fithik’ e sasalap ni ma siyeg e piin Kristiano?

Tin riyul’ e Kristiano e darur ban gad, ara ur t’ared e thin nga daken be’. Maku darur tunguyed boch ban’en u murung’agen yugu boch e girdi’ ngaur weliyed, ara ur sasalapgad, ara ur moro’ro’gad.​—wp16.1-E, p. 5.

Mini’ fapi “tolang ko prist” ni kan weliy murung’agrad u Bible?

Fare thin ni “tolang ko prist” e yima yog ngak e pi prist ni kub muun e tin baaray e prist ngay ni kan chuwegrad ko liw rorad.​—wp16.1-E, p. 10.

Mang e susun ni ngam rin’ ni faanra ke tabab be’ ni nga i kay e flowa ma be unum e wain u nap’an e Puguran?

Der ma n’uf e piin Kristiano e pi walag ney nga lang. Piin nriyul’ ni kan dugliyrad e darur lemnaged ni ngaun n’ufrad nga lang ni bochan e yad boch e piin ni kan dugliyrad. Maku reb e, ku daru rogned ko girdi’ i yan ni yad boch e piin ni kan dugliyrad. (Matt. 23:8-12)​—w16.01, pp. 23-24.

Mang e rayog ni ngad filed u rogon ni mang Abraham e fager rok Got?

Rayog nsana fil Abraham murung’agen Got rok Shem. Maku boor ban’en ni i fil u rogon ni i ayuwegrad Got chon e tabinaw rok. Ere, rayog ni ngad gayed rogon ni ngad folwokgad rok.​—w16.02, pp. 9-10.

Uw rogon nni tabab i nambanag e guruy nge verse ko pi babyor ko Bible?

Stephen Langton ni ir reb e tayugang’ ko pi yurba’ i teliw ni yad ma yog ni yad e Kristiano ni immoy u nap’an e bin 13 e chibog e ir e yu guruynag e pi babyor ko Bible. Pi Jew ni ur abweged e thin nu Bible nga lan yu yang e babyor e aram e piin nra ted e pi verse ko Bible ni Hebrew. Ma nap’an e bin 16 e chibog, ma be’ nib llowan’ ni ka nog Robert Estienne ngak e ir e tay e verse ko Pi Babyor ko Bible nni Yoloy Nsom’on ni Thin ni Greek.​—wp16.2-E, pp. 14-15.

Riyul’ ni fek Satan Jesus ko fare tempel u nap’an ni be guy rogon ni nge waliy nge denen, fa?

Dabiyog ni ngar dogned ko ri buch ni aray rogon fa danga’. Fa gal thin ni bay ko Matthew 4:5 nge Luke 4:9 e rayog ni be yip’ fan ni kemus ni pig e changar rok Jesus nge guy e re n’em ara rriyul’ ni yan Jesus i sak’iy ko gin th’abi tolang ko fare tempel.​—w16.03, pp. 30-31.

Uw rogon nrayog ni nge par e machib ni gad ma tay ni bod rogon e waangchal u ran’ e woldug?

Waangchal e ma sum ni buchuuw ma buchuuw, ma ma garbebnag ran’ e woldug, ma ma ayuweg e woldug ndabi yim’, maku aram reb e tow’ath ni ke yib rok Got. (Deut. 33:13) Ku arrogon e maruwel ni ma tay e pi tapigpig rok Got u taabang u nap’an e machib.​—w16.04, p. 4.