FARE WULYANG KO DAMIT—KEN NGAN FIL October 2016
Re ke babyor ney e bay riy e pi article ni yira fil ko November 28 nge mada’ ko December 25, 2016.
MURUNG'AGEN BE'
Kug Athamgil ni Nggu Folwok Rok Boch e Girdi’ Nra Daged e Kanawo’ nib Manigil Ngog
Faanra i pi’ e pi Kristiano ni kar ilalgad ko tirok Got ban’en e athamgil nga laniyan’ yugu boch e girdi’ ma rayog ni ngar ayuweged yad ni ngar nameged mar rin’ed boch ban’en nra yib angin ngorad. Ke weliy Thomas McLain rogon ni ke dag boch e girdi’ e kanawo’ nib fel’ nrayog ni nge folwok riy, nge rogon ni ke yag ni nge ayuweg yugu boch e girdi’.
“Dab Mpaged Talin ni Ngam Ayuweged e Milekag”
Uw rogon e pi milekag u wan’ Got? Mang e rayog ni ngam rin’ ya nge yag nim ayuweg e piin ni kar bad u boch e nam thilthil ni nge dab kur magagawongad ni ngar chaggad ko pi walag ko ulung rom?
Mu Guy Rogon ni Ngam Par ni Gab Gel ko Tirok Got Ban’en u Nap’an ni Ga Be Pigpig u Reb e Ulung ni Yima Non Riy ni Thin nu Bang
N’en nthingari m’on u wan’ urngin e Kristiano e aram e rogon ni ngar ayuweged yad nge chon e tabinaw rorad ko tirok Got ban’en. Yugu aram rogon, ma faanra ga be pigpig u reb e ulung ni yima non riy ni thin nu bang, ma bay boch e magawon nrayog ni ngam mada’nag.
Ga Be “Chichiiy Paam ko Gonop Rom,” Fa?
Mang e ba thil u thilin e tamilangan’ nge ngan nang fan ban’en? Faan ga ra nang e n’en nib thil u thilin e gali n’ey ma rayog ni nge yib angin ngom.
Mu Guy Rogon ni Ngari Michan’um ko Pi N’en ni Ke L’agan’um Ngay
Boor e girdi’ ni yad ba yul’yul’ kakrom nge ngiyal’ ney nrayog ni ngar pied e athamgil nga lanin’dad. Uw rogon nrayog ni nge par e michan’ rom nib gel?
Mu Dag Nriyul’ ni Ke Mich u Wan’um e Pi N’en ni Ke Micheg Jehovah
Mang e michan’? Ma bin th’abi ga’ fan e uw rogon nrayog ni ngam maruweliy e michan’ rom?
Ga Manang Murung’agen e Re N’ey, Fa?
Mang boch ban’en ni pi’ piyu Roma mat’awun e pi tayugang’ rok e pi Jew ni ngar dugliyed u Judea u nap’an e bin som’on e chibog? Riyul’ nrayog rok be’ ni nge yan i wereg awochngin e pan nga daken e milay’ rok be’ kakrom, fa?
