FARE WULYANG KO DAMIT—KEN NGAN FIL June 2019
Re ke babyor ney e bay riy e pi article ni yira fil ko August 5 nge mada’ ko September 1, 2019
“Mu Guyed Rogomed Ya Ri Kolmed Be’ Ngam Manged Kalbus Rok”!
Ri manang Satan rogon ni nga i bannag e girdi’. Uw rogon ni ma guy rogon ni nge pingeg lanin’dad me k’aringdad ni ngad togopuluwgad ngak Jehovah?
Mu Kirebnag e Thin Nde Riyul’ nib Togopuluw ko Tin Kan Nang u Murung’agen Got!
Rogon e pi n’en ni i buch rodad kafram, nge yalen rodad, nge rogon e skul rodad e rayog ni nge suruy lanin’dad ko tin nib fel’ ara tin nib kireb. Uw rogon ni ngad ‘kirebnaged e yungi n’en ni ke fal’eg e moonyan’ rogon ke par riy be cham ngodad’ ara ngad chuweged boch e lem nib kireb ni bay rodad nib mo’maw’ ni nge chuw?
Mu Taga’ ngak Jehovah u Nap’an ni Ga Be Mochuch
Faanra ud pared ni gad be mochuch nib n’uw nap’an ma rayog ni nge k’aring e m’ar ngodad miki magawonnag rogon lanin’dad. Boor ban’en nrayog ni ngad filed u rogon ni ayuweg Jehovah e pi tapigpig rok kakrom ni ngar athamgilgad u fithik’ e mochuch ni i yib ngorad.
Mu Ayuweg e Girdi’ ni Ngar Athamgilgad u Fithik’ e Mochuch
Lot, nge Job, nge Naomi e ur pigpiggad ngak Jehovah u fithik’ e yul’yul’, machane ku bay yu ngiyal’ ni ur athamgilgad u fithik’ e mochuch ni ur ted. Mang e rayog ni ngad filed ko n’en ni buch rorad?
Rogon ni Ngad Ayuweged Gadad u Reb e Wup ni Ma Fanay Satan
Boor e pi tapigpig rok Got ni kar awgad ko fare wup ni aram e ngaun yaliy yaan e ngongol ni puwlag. Uw rogon ni ngad siyeged e biney e ngongol nib alit?
Bangi Babyor ni Kan Bachiy Nni Yoloy Kakrom ni Kan “Pithig”
Nap’an e duw ni 1970, ma piin ni yad ma fil murung’agen e girdi’ nge boch ban’en kakrom e ra pirieged bangi babyor ni kan bachiy ni ke mooruf ko fare binaw nu Ein Gedi ni bay u lan yu Israel. Bay ba mit e masin ni kan fanay ni ngan scannag e re gi babyor ney ndariy fan ni ngan ‘pithig.’ Mang e ni pirieg u nap’an nni scannag e re gi babyor ney?
