ARTICLE NI NGAN FIL 35
Rib Ga’ Fan u Wan’ Jehovah e Pi Tapigpig Rok nib Sobut’an’rad
“I Got e . . . ma ayuweg e piin nib sobut’an’rad.”—1 PET. 5:5.
TANG 48 Ngu u Darod Jehovah u Taabang
TIN NI YIRA WELIY *
1. Uw rogon u wan’ Jehovah e piin nib sobut’an’rad? Mu tamilangnag.
JEHOVAH e ma t’ufeg e piin nib sobut’an’rad. Yigoo piin nriyul’ nib sobut’an’rad e rayog ni ngari chugur thilrad Jehovah. Machane, “ma togopluw ngak e piin nib tolangan’rad.” (1 Pet. 5:5) Gad gubin ni gad baadag ni ngad felfelan’naged Jehovah me t’ufegdad. Ere aram fan nib t’uf ni ngad filed rogon ni ngad maruweliyed e sobut’an’.
2. Mang e gad ra weliy ko re article ney?
2 Re article ney e gad ra weliy riy e fulweg u dalip e deer: (1) Uw rogon be’ nib sobut’an’? (2) Mang fan nsusun e ngad maruweliyed e re fel’ngin ney? (3) Mang boch ban’en ni ma buch nrayog ni nge skengnag rogon ni gad ma dag e sobut’an’? Gad ra fil ni faan gad ra maruweliy e sobut’an’, ma aram e gad ra felfelan’nag Jehovah me yib angin ngodad.—Prov. 27:11; Isa. 48:17.
UW ROGON BE’ NIB SOBUT’AN’?
3. Uw rogon be’ nib sobut’an’?
3 Be’ nib sobut’an’ e der ma lemnag ni kab ga’ fan ko tin ka bay e girdi’, ma gathi ir be’ nib ufanthin ara ba tolangan’. Be yog e Bible ni be’ nib sobut’an’ e manang ni kab tolang Jehovah Got ngak, mab puluw rogon ni ma lemnag e tha’ u thilrad yugu boch e girdi’. Be’ nib sobut’an’ e manang ni bay boch ban’en ni kab fel’ yugu boch e girdi’ riy ngak.—Fil. 2:3, 4.
4-5. Mang fan nrayog ni nga nog ni be’ ni yira guy min lemnag nib sobut’an’ e rayog ni gathi ir be’ nib sobut’an’?
4 Bay boch e girdi’ ni yira guyrad min lemnag nib sobut’an’rad, machane bin riyul’ riy e danga’. Sana gathi ri yad ma non. Fa reb e yad ma tayfan e girdi’ ara yad ma gol ngorad ni bochan e yalen rorad ara rogon nni chuguliyrad. Machane bin riyul’ riy e, rib tolangan’rad. Girdi’ ni aray rogon e ra munmun me gagiyel e bin riyul’ i rarogorad.—Luke 6:45.
5 Be’ nib pagan’ ngak mab mom ni nge weliy e tin bay u laniyan’ e gathi be yip’ fan ni ir be’ nib tolangan’. (John 1:46, 47) Machane, girdi’ ni aray rogon e thingar ra kol ayuwgad ndab ur taga’gad ko tin rayog rorad. Ere demtrug ko gur be’ nib pagan’um ngom ara gathi ri ga ma non, ma gad gubin nthingar da guyed rogon ni nge sobut’an’dad.
Apostal Paul e ba sobut’an’ ma da i lemnag ni ir be’ nib ga’ fan (Mu guy e paragraph 6) *
6. Mang e rayog ni ngad filed ko n’en ni rin’ apostal Paul nrogon ni ke m’ug ko 1 Korinth 15:10?
6 Am lemnag e n’en ni rin’ apostal Paul. I maruwel Jehovah ngak nib fel’ rogon ni nge sunmiy boch e ulung nib beech u boor e mach. Rayog ni ku boor e tin ni rin’ ni fan ko fare maruwel ni machib ko tin ni rin’ yugu boch e apostal rok Jesus Kristus. Yugu aram rogon, ma de tolangnag Paul ir u fithik’ pi walagen. I yog u fithik’ e sobut’an’ ni gaar: “Gag e th’abi sobut’ u fithik’ urngin e apostel—ya ri dariy rogog ni nga nog ni gag reb e apostel, ni fan e gu gafgownag girdien e galesiya rok Got.” (1 Kor. 15:9) Tomuren ma aram me yog ni fan nib fel’ e tha’ u thilrow Jehovah e gathi bochan e yugu ba thil u fithik’ e tin ka bay e girdi’ ara bochan e tin ke yag ni nge rin’, ya bochan e runguy rok Jehovah ngak. Rib puluw e re n’ey ni yog. (Mu beeg e 1 Korinth 15:10.) Ba manigil e n’en ni gad ra fil u murung’agen e sobut’an’ u lan e gi babyor ney ni yoloy Paul nge pi’ ngak piyu Korinth, nib ga’ ni faan gad ra lemnag rogon ni guy boch e pumoon ko re ulung nem rogon ni nge m’ug ni ka yad ba tolang ngak Paul!—2 Kor. 10:10.
Yaan Karl F. Klein nreb e walag nib sobut’an’ ni immoy ni ir reb i girdien fare Ulung ni Ma Pow’iyey (Mu guy e paragraph 7)
7. Uw rogon ni ke dag reb e walag ni boor e girdi’ ni manang ni ir be’ nib sobut’an’?
7 Boor e tapigpig rok Jehovah ni ke yib e athamgil nga lanin’rad u nap’an ni kar beeged murung’agen reb e walag ni ka nog Karl F. Klein ngak, ni immoy ni ir reb i girdien fare Ulung ni Ma Pow’iyey. Nap’an ni be weliy Brother Klein murung’agen, ma boor yay ni yog u fithik’ e sobut’an’ murung’agen e pi meewar rok nge boch e magawon ni i mada’nag u lan e yafos rok. Bod ni, yay nsom’on ni guy rogon ni nge un ko machib u mit e tabinaw e nap’an e duw ni 1922. Bochan nrib mo’maw’ e re maruwel ney ngak, ma aram e daki un ko machib u lan l’agruw e duw nga tomuren. *
Boch nga tomuren u nap’an ni be pigpig u Bethel, ma immoy ba ngiyal’ nni fonownag me aw e re n’em nga laniyan’. Miki boch nga tomuren me par ba ngiyal’ ni be kireban’ nib pag rogon ndabkiyog ni nge rin’ e pi n’en ni ka ma rin’, machane yan i boch nga tomuren me yag ni nge sul nga rogon bayay. Yugu aram rogon, ma boor e maruwel nni pi’ ngak nib ga’ fan ma kub gel e felfelan’ ni tay riy. Ba tamilang nre walag ney e ir be’ nrib sobut’an’ ni bochan e ke weliy murung’agen urngin e meewar rok ni yugu aram rogon ni ir reb e walag ni boor e girdi’ ni manang! Boor e walag ni ka yad manang Brother Klein nge pi n’ey ni buch rok ni weliy u lan ba ken e babyor rodad u fithik’ e yul’yul’.MANG FAN NSUSUN E NGAD MARUWELIYED E SOBUT’AN’?
8. Uw rogon ni be ayuwegdad e 1 Peter 5:6 ni ngad guyed ni faanra ba sobut’an’dad ma aram e gad ra felfelan’nag Jehovah?
8 Bin th’abi ga’ i fan ni gad ma guy rogon ni nge sobut’an’dad e bochan e ngad felfelan’naged Jehovah. Ireray e n’en ni tamilangnag apostal Peter. (Mu beeg e 1 Peter 5:6.) Fare ke babyor ni “Come Be My Follower” ni thin ni Meriken e be weliy murung’agen e n’en ni yog Peter. Be gaar: “Tolangan’ e bod e yub. Rib kireb wenegan e biney e lem. Be’ nib tolangan’ e yugu aram rogon ni boor ban’en nib salap riy, ma dabiyog ni nge maruwel Got ngak. Machane, be’ nib sobut’an’ e rayog ni nge maruwel Jehovah ngak nrib fel’ rogon. . . . Ba . . . felfelan’ ngay ni nge tow’athnagem ni faanra gur be’ ni gab sobut’an’.” * Arrogon, n’en th’abi fel’ nrayog ni ngad rin’ed e aram e ngad felfelan’naged Jehovah!—Prov. 23:15.
9. Mang fan nra adag e girdi’ ni ngaur chaggad ngodad ni faanra ba sobut’an’dad?
9 Faanra ba sobut’an’dad, ma gathi kemus ni gad ra felfelan’nag Jehovah ya ku boor angin nra yib ngodad. Faanra ba sobut’an’dad ma ra adag e girdi’ ni ngar chugurgad ngodad. Ra ngarim nang fan e re n’ey, ma aram e ngam lemnag e re miti girdi’ ni ga baadag ni ngaum chag ngorad. (Matt. 7:12) Ba ga’ ni dubdad e girdi’ ni yad baadag ni goo yad e ngaun yan nga lanin’rad ma darur motoyilgad ko tin ke yog yugu boch e girdi’. Machane, gad baadag ni ngaud chaggad ngak pi walagdad ni faanra yad be dag e ‘runguy ngodad; ma yad be t’ufegdad nrogon e piin ni walag ni girdien Kristus, ma yad be par nib fel’ e thin rorad ngodad ma ba sobut’ lanin’rad ngodad.’ (1 Pet. 3:8) Faanra gad baadag ni ngaud chaggad ko girdi’ ni aray rogon, ma aram e ku yad ra adag ni ngar chaggad ngodad ni faanra ba sobut’an’dad.
10. Mang fan nib mom rok e piin nib sobut’an’rad ni ngar athamgilgad u fithik’ e pi magawon ni yad ma mada’nag?
10 Piin nib sobut’an’rad e kub mom ni ngar Ekl. 10:7, BT) Piin boor ban’en ni yad ba salap riy e gathi gubin ngiyal’ ni yima n’ufrad ko salap rorad. Bay yu ngiyal’ ni piin ni gathi ri boor ban’en ni yad ba salap riy e aram e piin ni yima n’ufrad ko tin kar rin’ed. Demtrug rogon, ma ke yog Solomon ni gad ba gonop ni faanra m’agan’dad nga rogon e pi n’en ni be buch u lan e yafos rodad ko bin ni ngad pared ni gad be lemnag e tin nib kireb ban’en ni be buch rodad. (Ekl. 6:9) Faanra ba sobut’an’dad ma ra mom ni nge m’agan’dad ko pi n’en ni be buch u lan e yafos rodad ni dubdad.
athamgilgad u fithik’ e pi magawon ni yad ma mada’nag. Bin riyul’ riy e, bay yu ngiyal’ nrayog ni ngad guyed boch ban’en ni ke buch ni gad be lemnag nde mat’aw, fa reb e gadad e ke buch rodad. Solomon ni Pilung ni ir be’ nib gonop e yog ni gaar: “Kug guy e sib ni be yan u os ma be yan e pilung u but’ ni bod e sib.” (MANG BOCH BAN’EN NI MA BUCH NRAYOG NI NGE SKENGNAG ROGON NI GAD MA DAG E SOBUT’AN’?
Mang fan nrayog ni nge mo’maw’ ni nge sobut’an’dad u nap’an ni ke buch ban’en ni aray rogon? (Mu guy e paragraph 11-12) *
11. Mang e susun ni ngad rin’ed u nap’an ni kan fonownagdad?
11 Gubin e rran ni ma buch boch ban’en nrayog ni ngad daged riy ni gad ba sobut’an’. Baaray boch e pi n’em. Nap’an ni kan fonownagdad. Susun e dab da paged talin ni faanra ke athamgil be’ ni nge yal’uwegdad, ma aram e dabisiy nib gel e oloboch ni kad ted ndarud nanged. Machane, nap’an nra fonownagdad be’, ma sana n’en nsom’on ni gad ra rin’ e ngad siyeged e fonow ni ke pi’ ngodad. Rayog ni ngad gathibthibnaged facha’ ni ke fonownagdad ara da weliyed thibngin e fonow ni ke pi’ ngodad. Machane faanra ba sobut’an’dad, ma gad ra guy rogon ni nge puluw e lem rodad.
12. Mang fan nsusun e ngad felfelan’gad u nap’an nra fonownagdad be’ nrogon ni bay ko Proverbs 27:5, 6? Mu susunnag.
12 Be’ nib sobut’an’ e ba ga’ fan u wan’ e fonow ni yima pi’ ngak. Mu susunnag ni ka mub ko muulung, ma tomuren ni kam nonad in e walag, ma aram me yib bagayad i piningem nga wuru’ e girdi’ me yog ngom ni bay bangi ggan ni ke mit u thilin nguwelem. Dariy e maruwar riy ni ga ra tamra’. Machane dabisiy ni ga baadag ni ke yog ngom kam nang. Bin riyul’ riy e, sana ga ra athapeg ni faan gomanga yog be’ ngom u m’on riy ma kab fel’! Ere ku arrogon nnap’an nra fonownagdad reb e walag ko ngiyal’ nib t’uf ni nge rin’ riy, ma susun e ngad sobut’naged lanin’dad ma gad felfelan’ ko n’en ni ke rin’. Susun e ngad ted ni ir reb e fager rodad, ma gathi toogor rodad.—Mu beeg e Proverbs 27:5, 6; Gal. 4:16.
Mang fan nib t’uf ni nge sobut’an’dad u nap’an ni kan pi’ boch e maruwel ngak yugu boch e walag? (Mu guy e paragraph 13-14) *
13. Uw rogon ni ngad daged e sobut’an’ u nap’an ni kan pi’ boch e maruwel ngak yugu boch e walag u lan e ulung?
13 Nap’an ni ke yag boch e maruwel ngak yugu boch e walag. Reb e piilal ni Jason fithingan e yog ni gaar: “Nap’an ni gu ra guy boch e walag ni kan pi’ boch e maruwel ngorad, ma bay yu ngiyal’ ni gu ma lemnag ko mang fan ndan mel’egeg.” Bay 1 Tim. 3:1) Machane, thingar da kol ayuwgad u rogon ni gad ma lem, ya faanra danga’ ma rayog ni nge tolangan’dad. Bod nrayog ni nge lemnag reb e walag ni pumoon ni kemus ni ir e en th’abi fel’ ni nge rin’ reb e maruwel u lan e ulung nib t’uf ni ngan rin’. Fa reb e be’ ni leengiy ni Kristiano e rayog ni nge gaar u wan’, ‘Kab fel’ rogon nrayog ni nge rin’ figirngig e re maruwel ney ngak n’en nge n’en!’ Machane, faanra riyul’ nib sobut’an’dad ma gad ra siyeg e mit ney e lem nib tolang.
yu ngiyal’ ni ga ma lem ni aram rogon, fa? De kireb ni ngad adaged ni ngad yoornaged e tin gad be rin’ ni fan ngak Jehovah. (14. Mang e rayog ni ngad filed ko n’en ni rin’ Moses u nap’an nni pi’ boch e maruwel ngak yugu boch e girdi’?
14 Rayog ni ngad filed ban’en rok Moses ko n’en ni rin’ u nap’an nni pi’ boch e maruwel ngak yugu boch e girdi’. Ba ga’ fan u wan’ e maruwel nni pi’ ngak ni aram e nge pow’iy fare nam nu Israel. Mang e rin’ Moses u nap’an ni pag Jehovah yugu boch e girdi’ ni ngar maruwelgad u taabang? De awan’ ngorad. (Num. 11:24-29) I sobut’nag laniyan’ nge pag e pi girdi’ nem ni ngar ayuweged u rogon ni nge pithig e oloboch ni yibe fek i yib ngak. (Ex. 18:13-24) Ba manigil e re n’ey ni bochan e ke yag ni nge yoor e pumoon ni ngar pithiged e oloboch rok piyu Israel ndaki t’uf ni ngar sonnaged Moses nib n’uw nap’an. Re n’ey e be dag nib ga’ fan u wan’ Moses rogon ni nge ayuweg e girdi’ ko bin ni ngan pag fan boch e maruwel ngak. Rib manigil e kanawo’ ni ke dag nrayog ni ngad folwokgad riy! Dab da paged talin ni faanra nge yag ni maruwel Jehovah ngodad nib fel’ rogon, ma kab ga’ fan ni nge sobut’an’dad ko bin ni nge yoor e salap rodad. Yugu aram rogon nrib tolang Jehovah, machane “ma ayuweg e piin nib sobut’an’rad.”—1 Pet. 5:5; Ps. 138:6.
15. Mang boch ban’en ni ke thil u rogon e par rok boch e walag?
15 Nap’an nra thil boch ban’en u rogon e par rodad. Nap’an fapi duw ni ka fini yan, ma boor e walag ni ke yoor e duw ni kar pigpiggad ngak Jehovah ni kan pi’ reb e maruwel ngorad nib thil. Bod nnap’an e duw ni 2014, ma pi walag ni pumoon ni yad e district overseer nge ppin rorad e nog ngorad ni ngar rin’ed yugu boch e maruwel nib thil.
Maku aram e re duw nni dugliy nnap’an e ra taw e duw rok e en ma lekag e ulung ko 70, ma aram e nge tal ko maruwel rok. Ma pi walag ni ke gaman 80 e duw rorad ara ke pag e dabkiyog ni ngar manged e en ma yarmiy e piin piilal ko ulung. Maku reb e, nap’an e pi duw ni ka fini yan ma boor e walag ni yad ma pigpig u Bethel ni kan tayrad ni ngar manged pioneer. Ku bay boch e walag ni kar talgad ko pigpig u polo’ e tayim ni bochan e kar m’argad, ara ba t’uf ni ngar ayuweged chon e tabinaw rorad, ara yugu boch ban’en.16. Uw rogon ni ke dag pi walagdad nib sobut’an’rad ma ke m’agan’rad nga boch ban’en ni ke thil u rogon e par rorad?
16 De mom ko pi walag ney ni ngar thilyeged e tin yad be rin’. Ba tamilang nri yad baadag e maruwel ni kar rin’ed u lan boor e duw. Ere aram fan ni bay boch i yad nnap’an ni kan pi’ reb e maruwel nib beech ni ngar rin’ed, ma rib gel e kireban’ ni kar ted ni bochan e kar talgad i rin’ boch e maruwel nri yad baadag. Machane, faani munmun me yag ni nge m’agan’rad ko tin ke thil u rarogorad. Mang fan? Bochan e ba t’uf Jehovah rorad. Yad manang ni Got e ir e kar ognaged yad ni ngar pigpiggad ngak, ma gathi kar micheged ngak ni yad ra pigpig ngak ni faanra kan pi’ reb e maruwel, ara liw ngorad u lan e ulung rok. (Kol. 3:23) Yad ba felfelan’ ni ngar sobut’naged lanin’rad ngar pigpiggad ngak Jehovah ndemtrug e re miti maruwel ni kan pi’ ngorad. Kar ‘paged fan urngin e magafan’ rorad ngak,’ ya yad manang ni be lemnag rogorad.—1 Pet. 5:6, 7.
17. Mang fan ni gad ba felfelan’ ni be pi’ e Thin rok Got e athamgil nga lanin’dad ni nge sobut’an’dad?
17 Gad ba felfelan’ ni be pi’ e Thin rok Got e athamgil nga lanin’dad ni nge sobut’an’dad. Faan gad ra maruweliy e re fel’ngin ney, ma aram e ra adag e girdi’ ni ngaur chaggad ngodad maku arrogodad. Ku ra mom ni ngad athamgilgad u fithik’ e pi magawon ni gad ma mada’nag u lan e yafos rodad. Bin th’abi ga’ fan riy e ra gel e chugur ko tha’ u thildad e Chitamangidad ni bay u tharmiy. Gad ba felfelan’ ni kad nanged ni yugu aram rogon ni ir ba “Got nib tolang mab thothup,” machane ma t’ufeg e pi tapigpig rok nib sobut’an’rad mab ga’ farad u wan’!—Isa. 57:15, BT.
TANG 45 Pi N’en ni Gu Ma Fal’eg i Lemnag
^ par. 5 Sobut’an’ e aram reb e fel’ngin nrib ga’ fan ni nge yag ngodad. Uw rogon be’ nib sobut’an’? Mang fan nsusun e ngad maruweliyed e re fel’ngin ney? Ma mang boch ban’en ni ma buch nrayog ni nge skengnag rogon ni gad ma dag e sobut’an’? Re article ney e ra pi’ e fulweg ko re dalip i deer ney nib ga’ fan.
^ par. 7 Mu guy fare article ni kenggin e “Jehovah Has Dealt Rewardingly With Me” ni bay ko Fare Wulyang ko Damit ko October 1, 1984 ni thin ni Meriken.
^ par. 8 Mu guy e guruy ni 3 ko par. 23.
^ par. 53 MURUNG’AGEN E SASING: Nap’an ni bay apostal Paul u tafen reb e walag ni pumoon, mab felfelan’ ngay ni nge sobut’nag laniyan’ nge chag ngak urngin e walag ni bay u rom ni kub muun e piin bitir ngay.
^ par. 57 MURUNG’AGEN E SASING: Ke m’agan’ reb e walag ni pumoon ko fonow ni ke pi’ reb e walag ni kab pagel ngak nib puluw ko Bible.
^ par. 59 MURUNG’AGEN E SASING: De awan’ fare walag ni pumoon ngak fare walag ni kab pagel ni bochan e maruwel ni kan pag fan ngak ni nge rin’ u lan e ulung.