Deer ko Piin Ma Beeg
Faanra par reb e pumoon nge reb e ppin ndawor ra mabgolgow reb e nep’ u taabang ni yigoo yow ndariy tapgin ni ngar rin’ew, ma aram e gur, ireray e mich riy ni kar rin’ew reb e denen mab t’uf dalip e piilal ni ngar dugliyed e n’en ni ngan rin’ ko re n’ey ni ke buch, fa?
Arrogon, faanra dariy tapgin ni nge par fagali cha’ u taabang ma aram e ba t’uf dalip e piilal ni ngar dugliyed e n’en ni ngan rin’ ko re n’ey ni ke buch ni bochan e be m’ug riy ni fagali cha’ e kar unew ko ngongol darngal.—1 Kor. 6:18.
Urngin yay nra buch ban’en ni aray rogon ma aram e ri ma fal’eg e piin piilal i gay murung’agen e n’en ni ke buch ni bochan e ngar dugliyed ko ba t’uf dalip e piilal ni ngar dugliyed e n’en ni ngan rin’ ko n’en ni ke buch fa danga’. Bod nib t’uf ni ngar nanged ko: Fare pumoon nge fare pin e yow l’agruw ni’ ni yow be puruy’nag e mabgol fa danga’? Ba’ bayay ni ke fonownagrow e piin piilal ni bochan boch e ngongol ni ka ur rin’ew u taabang fa danga’? Mang fan nra parew u taabang e re nep’ i n’em? Kar weliyew u m’on riy ni ngar rin’ew e re n’ey, fa? Gur, ka bay yugu reb e ban’en nga bang nrayog ni ngar rin’ew fa dariy? Gur, ke buch ban’en nib tomgin ara ban’en ndar lemnagew u m’on riy, ma aram fan ndakuriy e n’en ni ngar rin’ew ngay ya thingar ra parew u taabang e re nep’ i n’em, fa? Uw e ra molow riy? Ba thilthil rogon e n’en ni ma buch, ere bay boch ban’en nrayog ni ngki yaliy e piin piilal u m’on ni ngar dugliyed e n’en ni ngan rin’.
Tomuren ni ke fal’eg e piin piilal i gay murung’agen e pi n’ey kar nanged e n’en nib t’uf ni ngar nanged, ma aram e yad ra dugliy ko ba t’uf dalip e piilal ni ngar dugliyed e n’en ni ngan rin’ ko re n’ey ni ke buch u thilin fagali cha’ fa danga’.
