Ke Pi’ Jesus e Yafas Rok ni Fan Ngak Boor e Girdi’

I yog Jesus ngak pi gachalpen ni gathi yib nga fayleng ni “ngan pigpig ngak, machane yib ni nge pigpig me pi’ e pogofan rok nge biyuliy boor e girdi’ ngay.” (Matthew 20:28) I m’agan’ ngay ni nge pi’ e yafas rok ni fan ngak e girdi’.

Uw rogon ni biyuliy Jesus e girdi’ u daken e yam’ ni tay? Mang fan nib t’uf ni nge rin’? I yim’ ni fan ngak mini’? Ma mang angin ngom?

Be piningem e Pi Mich Rok Jehovah ni nga mub ngam gayed e fulweg ko pi deer ney. Biney e duw e yira madnomnag e yam’ ni tay Jesus ko L’agruw Fen e Maruwel ko March 30, u tomuren ni ke aw e yal’. Aram e rofen ni yira weliy e fulweg ko pi deer ni baaray u lang.

Rayog ni nga mub nga Kingdom Hall ko Pi Mich Rok Jehovah ngam un ko re madnom nem. Wenig ngom mu guy e Pi Mich Rok Jehovah nga rogned ngom e ngiyal’ nge gin’en ni yira tay e re muulung ney riy.