Dab Um Taareb Rogonnagem Ngak Boch e Girdi’
Bin 2
Dab Um Taareb Rogonnagem Ngak Boch e Girdi’
MANG E BE FIL E BIBLE? “Ra be’ ma nge mang ir e changar ngak nge fal’eg i yaliy e ngongol rok ara pangin. Ma faanra ba fel’ e ngongol rok, me ere rayog ni nge felfelan’ ko ngongol ni ke rin’, me siy i puluwnag e ngongol rok ko ngongol ni ke rin’ yugu be’.”—Galatia 6:4.
MANG E MAGAWON RIY? Sana gad baadag ni ngaud taareb rogonnaged gadad ngak boch e girdi’, ni yu ngiyal’ e piin ni buchuuw ban’en rorad, ma yooren e ngiyal’ e piin boor ban’en rorad, ara boor ban’en ni yad ba salap riy ngodad. Demtrug rogon ma de fel’ ni ngaud taareb rogonnaged gadad ngak boch e girdi’. Faan gad ra lemnag ni tin bay rok be’ ara tin nrayog ni nge rin’ e ir e ra yibnag fan facha’, ma aram e gad be oloboch. Ma re n’ey e ku rayog ni nge k’aring e awan’ nge tagenging nga thildad.—Eklesiastes 4:4.
MANG E RAYOG NI NGAM RIN’? Mu guy rogon ni ngam yaliyem ni bod rogon ni ma yaliyem Got. ‘Girdi’ e yad ma guy be’ u wuru’ i downgin, mi [Jehovah] * e ma guy e lem ko girdi’.’ (1 Samuel 16:7) Rogon fel’ngim u wan’ Jehovah e be yan u rogon e n’en ni bay u gum’irchaem, nge lem rom, nge rogon fan ni ga ma rin’ ban’en, ma der ma taareb rogonnagem ngak boch e girdi’. (Hebrews 4:12, 13) Manang Jehovah e tin ndabiyog rom, maku baadag ni ngam nang. Ere faanra um taareb rogonnagem ngak boch e girdi’, ma ra i tolangan’um mu um par nder fel’ u wan’um e tin bay rom. Ere mu sobut’nag lanin’um ma ga nang ni gathi gubin ban’en ni ga ma rin’ e ra yan i aw nrogon ni kam lemnag.—Proverbs 11:2.
Mang e thingar mu rin’ me ga’ fam u wan’ Got? Ke thagthagnag nga laniyan’ Mikah ni profet ni nge yoloy ni gaar: “Gimed e girdi’ u gubin yang, ke yog Somol ngomed e tin nib fel’. Tin ni ke yog ngomed ni ngam rin’ed e baaray ni ke gaar: mu rin’ed e tin nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.” (Mikah 6:8) Faan ga ra fol ko re fonow ney, ma ra i lemnagem Got. (1 Peter 5:6, 7) Ireray e bin th’abi ga’ i fan ni nge fel’ u wan’um e tin bay rom.
[Footnote]
^ par. 5 Fithingan Got ni bay u Bible.
[Picture on page 5]
Rogon fel’ngidad u wan’ Jehovah e be yan u rogon e n’en ni bay u gum’ircha’dad