Uw Rogon Jesus U Wan’um?

Ga be lemnag ni ir bochi tir ni kab madway, fa ir be’ ni be yan ni nge yim’, fa ir reb e Pilung?

Be yog e Bible ni Jesus e ir reb e Pilung nib gel gelngin. Mang rogon e re n’ey ngom?

Boor e girdi’ nib mich u wan’rad ni ke yim’ Jesus ni fan ngorad. Machane, uw rogon nra yog e yafas ngak boch e girdi’ e ngiyal’ ney u daken e yam’ ni tay be’ ni ke pag 2,000 e duw?

Yibe piningem ni nga mub ngam nang e fulweg ko pi deer ney ni kan fek u Bible. Yira weliy e pi thin ney u nap’an nra muulung e Pi Mich Rok Jehovah nga taabang ni ngar madnomnaged e yam’ ni tay Jesus. Biney e duw e ra yan i aw e re madnom ney ko Aningeg Fen e Maruwel, ko April 5 u tomuren ni ke aw e yal’.

Wenig ngom mu fith bagayad e Pi Mich Rok Jehovah ko binaw rom nge yog e ngiyal’ nge gin’en ni yira tay e re madnom ney riy.

Ku ra yan i Madnom u tomuren fare puguran ko yam’ ni tay Jesus, maku ra pi’ e Pi Mich Rok Jehovah reb e welthin ni fan ko yoor ni kenggin e, “Ga Be Lemnag Ndawori Chugur e Tomur?” Re welthin ney e ra tamilangnag e n’en ni yibe rin’ ko fare maruwel ni yibe tay u ga’ngin yang e fayleng ni ngan ayuweg urngin e piin ni yad baadag ni ngar nanged e tin riyul’ mu kur nanged boor ban’en u murung’agen Jesus. Yibe piningem ko re muulung ney.