Gubin girdien e tabinaw rodad ma bay e ngachal rorad. Mus ko pi gamanman ni fakdad ma bay e ngachal rorad! Ere, ba puluw ni bay e ngachal rok Got, fa? Boor e liw rok Got ni bay u lan e Bible ni bod rogon Got ni Gubin ma Rayog Rok, nge Somol Nth’abi Tolang, nge En Tasunmiy. Machane, ku bay e ngachal rok.​—Mu beeg e Isaiah 42:8. *

Boor ken e Bible ni kan pilyeg ni bay fare ngachal rok Got riy ni bod rogon ni bay ko Psalm 83:18 ko New World Translation of the Holy Scriptures ni gaar: “Nge nangem e girdi’ ni fithingam e Jehovah ni gur e Th’abi Tolang u ga’ngin yang e fayleng.”

Baadag Got ni ngad fanayed e ngachal rok. Ni bod ni gad ma pining fithingan be’ ni ba t’uf rodad, ara be’ ni fager rodad u nap’an ni gad be non ngak. Ere, susun ni aram rogon ni ngad nonad ngak Got. Maku reb riy e pi’ Jesus e athamgil nga lanin’dad ni ngad ted fan e ngachal rok Got.​—Mu beeg e Matthew 6:9.

Machane, faanra gad baadag ni ngad manged e fager ku Got, ma de gaman ni kemus yigoo fithingan e ngad nanged. Ya kub t’uf ni gad ra nang ko ba miti mang Got. Ere, rayog ni ngad chugurgad ngak, fa? Rayog ni ngam pirieg e fulweg ko re deer ney u Bible.