Fare nep’ u m’on ni nge yim’ Jesus, me yog ngak pi gachalpen ni ngaur pugeduran ngan’rad fare maligach ni bayi pi’. I yog ngorad ni gaar: “Um rin’ed e re n’ey ngi i pugurag ngomed.”​—Luke 22:19.

Biney e duw e ra yan i aw fare Puguran’ ko Yam’ ni Tay Jesus ko rofen ni Biyernes, ko April 3 u tomuren ni ke aw e yal’. Pi Mich Rok Jehovah e yad be piningmed chon e tabinaw rom ni ngam uned ko re madnom ney, mi gimed motoyil nga reb e welthin nra tamilangnag feni ga’ fan e yam’ ni tay Jesus nge rogon angin nra yib ngom.