PI DEER NI BAY E FULWEG RIY U BIBLE

Rayog ni ngad nanged e tin riyul’ u murung’agen Got, fa?

Boor ban’en ni ke weliy Got ko girdi’. I fanay gelngin nib thothup ni nge thagthagnag e thin rok nga laniyan’ e piin nra yoloyed e Bible. (2 Peter 1:20, 21) Ere, faan gad ra beeg e Bible ma rayog ni ngad nanged e tin riyul’ u murung’agen Got.​—Mu beeg e John 17:17; 2 Timothy 3:16.

Boor ban’en u murung’agen Got ni ke weliy ngodad u lan e Bible. Ke weliy ngodad fan ni ke sunmiy e girdi’, nge n’en nra rin’ ni fan ngorad, nge rogon ni baadag ni ngad pared. (Acts 17:24-27) Baadag Jehovah Got ni ngad nanged e tin riyul’ u murung’agen.​—Mu beeg e 1 Timothy 2:3, 4.

Mang fan ni be pining Got e piin ni yad baadag e tin riyul’ ni nga ranod ngak?

Jehovah e ir e Got ko tin riyul’, ma ke l’og Fak ni aram Jesus nga fayleng ni nge fil e tin riyul’ ko girdi’. Ere, piin ni yad baadag e tin riyul’ e ur motoyilgad ngak Jesus. (John 18:37) Ma ireray e re miti girdi’ ni baadag Got ni ngar liyorgad ngak.​—Mu beeg e John 4:23, 24.

Boor e machib nde riyul’ ni ke garereg Satan ni Moonyan’ u murung’agen Got ni bochan e nge chafeg laniyan’ e girdi’ nga orel rok Got. (2 Korinth 4:3, 4) Piin ndubrad e tin riyul’ e yad baadag ni ngaur motoyilgad ko pi machib ney. (Roma 1:25) Machane, bokum milyon e girdi’ ni kar nanged e tin riyul’ u murung’agen Got ni bochan e kar filed e Bible.​—Mu beeg e Acts 17:11.

Ra ga baadag ni ngkum nang boch mag guy e guruy ni 1 ko re ke babyor ney ni ke ngongliy e Pi Mich Rok Jehovah

Ku bay ko www.pr418.com/yap