ARTICLE NI NGAN FIL 17
Ri Gab T’uf rok Jehovah!
“I Somol e ba felfelan’ ngak e girdi’ rok.”—PS. 149:4, BT.
TANG 108 T’ufeg rok Got
TIN YIRA WELIY *
Chitamangidad ni bay u tharmiy e “ba felfelan’” ngodad ni be’ nge be’ (Mu guy e paragraph 1)
1. Mang e ma guy Jehovah u rarogon e girdi’ rok?
JEHOVAH GOT e “ba felfelan’ ngak e girdi’ rok.” (Ps. 149:4, BT) Re n’ey e rra k’aring e felfelan’ ngodad! Ma guy Jehovah pi fel’ngidad, ma manang nrayog ni ngad manged boch e girdi’ nib manigil, maku ma chugurnagdad ngak. Ere faan gad ra par ni gad ba yul’yul’ ngak, ma ra par nib chugur ngodad ni manemus!—John 6:44.
2. Mang fan nib mo’maw’ ngak boch e girdi’ ni nge mich u wan’rad ni yad ba t’uf rok Jehovah?
2 Rayog ni nge gaar boch e girdi’, ‘Gu manang ni ma t’ufeg Jehovah e girdi’ rok ni yad reb e ulung, machane uw rogon ni nge mich u wan’ug nri gub t’uf rok?’ Mang fan nrayog ni nge fith be’ e re deer ney? Oksana * e ba gel e gafgow ni i tay u nap’an ni kab bitir. I gaar: “Rug felfelan’ u nap’an nug un ko taufe mug tabab ko pioneer. Machane 15 e duw nga tomuren, ma aram me tabab ni nga i yib ngan’ug e pi n’en nib kireb ni i buch rog u nap’an ni ku gub bitir. Ere gu tabab ni nggu lemnag nda kug fel’ u wan’ Jehovah ma dariy rogon ni nge t’ufegeg.” Yua nreb e walag nib pin nib pioneer ni ku boor e magawon ni i yan u fithik’ u nap’an ni kab bitir e yog ni gaar: “Gu ognag e yafos rog ngak Jehovah ni bochan e gu baadag ni nggu felfelan’nag. Machane ba mich u wan’ug ndabiyog ni nge t’ufegeg.”
3. Mang e gad ra weliy ko re article ney?
3 Rayog ni taareb rogom ko fa gal walag nrib t’uf Jehovah rom, machane be maruwar u wan’um ko gab t’uf rok fa danga’. Mang fan ni nge mich u wan’um nriyul’ ni gab t’uf rok? Ma mang e ra ayuwegem u nap’an ni ga ra lemnag ndam t’uf rok Jehovah? Ngad weliyed e fulweg ko gal deer ney.
DE FEL’ NI NGE MARUWAR E T’UFEG ROK JEHOVAH U WAN’DAD
4. Mang fan nde fel’ ni nge maruwar u wan’dad rogon e t’ufeg rok Jehovah ngodad?
4 T’ufeg e ban’en nib gel gelngin. Faanra ba mich u wan’dad ni gad ba t’uf rok Jehovah, ma ra m’agan’dad ngay ni ngad pigpiggad ngak u polo’ i gum’ircha’dad ngki mada’ ko ngiyal’ ni gad be mada’nag e magawon. Machane faanra be maruwar e t’ufeg rok u wan’dad, ma gad ra “meewar.” (Prov. 24:10, BT) Faanra mulan’dad me maruwar e t’ufeg rok Got u wan’dad, mab mom ni nge gel Satan ngodad.—Efe. 6:16.
5. Mang e ke buch rok boch e walag ni bochan e yad be lemnag ndar t’ufgad rok Got?
5 Bay boch e walag e ngiyal’ ney ni ke war e michan’ rorad ni bochan e be maruwar e t’ufeg rok Jehovah u wan’rad. Bay reb e piilal ni ka nog James ngak ni gaar: “Yugu aram rogon ni gu be pigpig u Bethel, ma gu be felfelan’ ko machib ni gu be tay u reb e ulung ni yima non riy ni thin nu bang, machane i maruwar u wan’ug ko ba felfelan’ Jehovah ko tin gu be rin’ fa danga’. Ku bay ba ngiyal’ ni taw ngay mi i maruwar u wan’ug ko be motoyil Jehovah ko meybil rog fa danga’.” Eva ni ku be pigpig u polo’ e tayim rok e yog ni gaar: “Kug nang nde fel’ ni nge maruwar e t’ufeg rok Jehovah u wan’dad ni bochan e rayog ni nge magawonnag rogon e pigpig rodad ngak. Re n’ey e ra k’aringdad ni nge dab kud adaged ni ngad rin’ed boch ban’en ni fan ngak Got, ma dab kud felfelan’gad ko pigpig ni gad be tay ngak.” Michael nreb e regular pioneer maku ir reb e piilal e gaar: “Faanra de mich u wan’um ni gab t’uf rok Got, ma ga ra palog rok.”
6. Mang e thingar da rin’ed u nap’an ni gad ra tabab ni ngad lemnaged nder t’ufegdad Got?
6 N’en ke buch ko pi walag ney e be dag ni faanra ud lemnaged nder t’ufegdad Jehovah, ma rayog ni nge war e michan’ rodad. Machane mang e susun ni ngad rin’ed ni faanra ke yib e biney e lem ngodad? Thingar da siyeged ni ka chingiyal’ nem! Ngad weniggad ngak Jehovah ni nge chuweg e tiney e “lem” rodad, me pi’ e gapas rok ni nge ‘yororiy gum’ircha’dad nge tafinay rodad.’ (Ps. 139:23; Fil. 4:6, 7) Ku dab mu pagtalin ni gathi goo gur e ga ma lem ni aray rogon. Ku bay boch e walag ni yad ba yul’yul’ ni yad ma lem ni aray rogon. Mus nga boch e tapigpig rok Jehovah kakrom ni i yib e tiney e lem ngorad. Am lemnag e n’en nrayog ni ngad filed rok apostal Paul.
N’EN GAD RA FIL KO N’EN NI BUCH ROK PAUL
7. Mang boch e magawon ni i mada’nag Paul?
7 Gur, bay yu ngiyal’ ni ga ma lemnag ni kaygi yoor ban’en ni kan pag fan ngom, ma der 2 Kor. 11:23-28) Gur, der yag ni ngam par ni gab felfelan’ ni bochan e gab m’ar? Bay ba magawon ni yib ngak Paul nib gel e gafgow ni tay riy. Re n’ey e rayog nib mit e m’ar ni yib ngak ni baadag ni nge chuw. (2 Kor. 12:7-10) Gur, bay yu ngiyal’ ni ma mulan’um ni bochan e pi meewar rom? Ku aram rogon Paul yu ngiyal’. I yog ni kari “gafgow” ni bochan e gubin ngiyal’ ni be cham ko pi meewar rok.—Rom. 7:21-24.
yag ni ngam rin’ ni gubin? Faanra bay, ma ga ra nang fan rogon laniyan’ Paul. Gathi kemus ni taareb e ulung ni i magafan’ ngorad, ya i lemnag “urngin e galesiya i yan.” (8. Mang e ayuweg Paul ni nge athamgil u fithik’ e pi magawon rok?
8 Yugu aram rogon ni boor e skeng ni i mada’nag Paul ma be buch boch ban’en rok nra muleg laniyan’, machane de tal ko pigpig ni be tay ngak Jehovah. Mang e pi’ gelngin ni nge rin’ e re n’ey? Yugu aram rogon ni manang ni bay e meewar rok, machane rib mich fare biyul u wan’. Ku manang fapi thin ni micheg Jesus ni ‘urngin e piin nra michan’rad ngak e ra yog e yafos ndariy n’umngin nap’an ngorad.’ (John 3:16; Rom. 6:23) Paul e ir bagayad e piin ni maruweliy e michan’ rok ko fare biyul. Ba mich u wan’ ni mus ngak e piin ur ngongliyed boch e denen nib ubchiya’, ma baadag Jehovah ni nge n’ag fan rorad ni faanra kar kalgadngan’rad.—Ps. 86:5.
9. Mang e gad be fil ko fapi thin ni yog Paul ni bay ko Galatia 2:20?
9 Kub mich u wan’ Paul nrib t’uf rok Got ni bochan e manang ni ke pi’ Jesus ni nge yim’ ni fan ngak. (Mu beeg e Galatia 2:20.) Mu tay fanam i yan ko n’en ni bay u tungun e re verse ney nra pi’ e pagan’ ngodad. I gaar Paul: “Fak Got . . . e gub t’uf rok ma ke pi’ e pogofan rok ni fan ngog.” De lemnag Paul ni kaygi gel e kireb rok ndabiyog ni nge t’uf rok Got. De gaar u wan’, ‘Gu manang fan ni be t’ufeg Jehovah pi walageg, machane gag e dabiyog ni nge t’ufegeg.’ I puguran Paul ngak piyu Roma ni gaar: “Ka gadad be par ni gadad bogi tadenen me yan i yim’ Kristus ni fan ngodad!” (Rom. 5:8) Dariy ban’en nrayog ni nge taleg Got ndab ki t’ufegdad!
10. Mang e gad be fil ko Roma 8:38, 39?
10 Mu beeg e Roma 8:38, 39. Manang Paul rogon feni gel e t’ufeg rok Got. I yoloy ndariy ban’en “nrayog ni nge daregdad u rogon ni gadad ba t’uf rok Got.” Manang gelngin e gum’an’ ni i tay Jehovah u puluwon piyu Israel. Ku manang rogon ni ke dag Jehovah e runguy ngak. Ere bod ni be gaar Paul, ‘Susun e dabi maruwar u wan’ug rogon e t’ufeg rok Jehovah ngog ni bochan e ke pi’ Fak ni nge yim’ ni fan ngog.’—Rom. 8:32.
Tin gad be rin’ e chiney i yan nga m’on e aram e n’en nib ga’ fan u wan’ Got, ma gathi pi oloboch ni ud rin’ed kafram (Mu guy e paragraph 11) *
11. Mang fan nib mich u wan’ Paul nib t’uf rok Got ni yugu aram rogon ni i rin’ fapi denen ni bay murung’agen ko 1 Timothy 1:12-15?
11 Mu beeg e 1 Timothy 1:12-15. Dabisiy ni immoy yu ngiyal’ ni i lemnag Paul e pi n’en nib kireb ni i rin’ kafram. Ere dab da gingad nga fan ni yog ni ir e “th’abi kireb” u fithik’ urngin e girdi’! U m’on ni nge nang Paul e tin riyul’, ma i yan u reb e binaw nga reb ni be gay e piin Kristiano ni nge gafgownagrad, ma be yon’ boch i yad nga kalbus, ma be tay tanggin e n’en ke dugliy e tagil’ e puf oloboch ni ngan thang e fan rok boch i yad. (Acts 26:10, 11) Ba mudugil ni ma magawon laniyan’ Paul u nap’an nra mada’nag reb e Kristiano ni kab bitir ni ke yim’ e gallabthir rok ni ir tapgin. I kal Paul ngan’ ko oloboch ni i rin’, machane manang ndabiyog ni nge thilyeg e tin ke thumur. I mich u wan’ nriyul’ ni ke yim’ Kristus ni fan ngak, ma aram me yoloy ni gaar: “Got e runguyeg nge ayuwegeg me pingegeg nggu par ni bod rogog e chiney.” (1 Kor. 15:3, 10) Mang e gad be fil ko re n’ey? Nge mich u wan’um nriyul’ ni ke yim’ Kristus ni fan ngom, ma ke bing e kanawo’ ni nge fel’ e tha’ u thilmew Jehovah. (Acts 3:19) Tin gad be rin’ e chiney i yan nga m’on e aram e n’en nib ga’ fan u wan’ Got, ma gathi pi oloboch ni ud rin’ed kafram ndemtrug ko kad manged reb e Pi Mich Rok Jehovah e ngiyal’ nem fa dawor.—Isa. 1:18.
12. Faanra gad be lemnag ndariy fadad ara dariy rogon ni ngan t’ufegdad, ma uw rogon nra ayuwegdad fapi thin ni bay ko 1 John 3:19, 20?
12 Nap’an ni ga ra lemnag ni ke yim’ Jesus ni fan ko denen rom, ma sana ra lungum, ‘Dariy rogon ni nge yag e biney e tow’ath ngog.’ Mang fan nrayog ni ngam lem ni aray rogon? Bochan ndawor da flontgad, ma rayog ni nge bannagdad gum’ircha’dad me k’aringdad ni 1 John 3:19, 20.) Nap’an ni gad ra tabab ni ngad lemgad ni aray rogon, mab t’uf ndab da paged talin ni “Got e ka ba ga’ nga lanin’dad.” Rogon ni gad ba t’uf rok e Chitamangidad ni bay u tharmiy nge rogon ni ma n’ag fan e kireb e kab gel nga boch e lem nde puluw nrayog ni nga i sum nga gum’ircha’dad. Ba t’uf ni ngad filed rogon ni ngad micheged nga lanin’dad ni gad ba t’uf rok Jehovah. Ra ngad rin’ed e re n’ey, ma thingar da filed e Thin rok ni gubin ngiyal’, mu ud meybilgad ngak, mu ud chaggad ko pi tapigpig rok ni yad ba yul’yul’. Mang nrib ga’ fan ni ngaud rin’ed e pi n’ey?
ngad lemnaged ndariy fadad ara dariy rogon ni ngan t’ufegdad. (Mu beeg eROGON NRA AYUWEGDAD E FOL BIBLE, NGE MEYBIL, NGE PI FAGER NIB YUL’YUL’
13. Ra ud filed e Thin rok Got, ma uw rogon nra ayuwegdad? (Kum guy fare kahol ni kenggin e, “ Rogon ni Ma Ayuwegrad e Thin rok Got.”)
13 Faan ga ra fil e Thin rok Got ni gubin e rran, ma aram e rayog ni ngarim nang pi fel’ngin Jehovah nrib manigil. Ga ra nang gelngin nri gab t’uf rok. Ga ra fal’eg i lemnag bang ko Thin rok Got ni gubin e rran, ma rayog ni nge fel’ boch rogon e lem ni ngam tay, me yag nim “yal’uweg” rogon lanin’um nge gum’irchaem. (2 Tim. 3:16) Bay reb e piilal ni ka nog Kevin ngak ni ma lemnag ni ir be’ ndariy fan. I yog ni gaar: “Bochan nug ma beeg ma gu ma fal’eg i lemnag fapi thin ko Psalm 103, ma ke yag ni nggu yal’uweg rogon e lem rog, mu kug nang rogon nri ma lemnageg Jehovah.” Eva ni faan kan weliy murung’agen e gaar: “Ra yan i blayal’ u reb e rran ma gu ma tay e tayim ni nggu fal’eg i lemnag e tin nib ga’ fan u wan’ Jehovah. Re n’ey e ma gapaseg lanin’ug me gelnag e michan’ rog.”
14. Uw rogon nra ayuwegdad e meybil?
14 Um meybil ni gubin ngiyal’. (1 Thess. 5:17) Faanra ga baadag ni ngam mang fager ku be’, ma thingar um non ngak ni gubin ngiyal’ ma ga be weliy rogon lanin’um ngak. Ku arrogon e tha’ u thildad Jehovah. Nap’an ni gad ra weliy ngak rogon lanin’dad nge tafinay rodad u daken e meybil, ma aram e gad be dag nib pagan’dad ngak ma gad manang ni gad ba t’uf rok. (Ps. 94:17-19; 1 John 5:14, 15) Yua ni faan kan weliy murung’agen e yog ni gaar: “Nap’an nug ra meybil, ma gathi kemus ni tin ke buch rog u reb e rran e gu ma weliy ngak Jehovah. Ya rug ma weliy ngak e tin bay u lanin’ug. Munmun ma ke yag ni ngaug lemnag Jehovah ni bod rogon reb e Matam nrib t’uf pi fak rok, ma dakugur sap ngak ni bod rogon be’ nib ga’ u tabon barba’ e maruwel.”—Mu guy fare kahol ni kenggin e, “ Kam Beeg, Fa?”
15. Uw rogon ni ma dag Jehovah ni be lemnagdad?
15 Um chag ko pi fager ni yad ba yul’yul’, ya yad boch e tow’ath ni ke yib rok Jehovah. (Jas. 1:17) Chitamangidad ni bay u tharmiy e ma dag ni ma lemnagdad u daken e pi walag u lan e ulung ni ke pi’ ni “gubin ngiyal’ ni yad ma dag e t’ufeg” ngodad. (Prov. 17:17, BT) Nap’an ni yol Paul ngak piyu Kolose, me yog fithingan boch e Kristiano nrib “ga’ e ayuw ni kar pied” ngak, ma yad be fal’eg laniyan’. (Kol. 4:10, 11) Mus ngak Kristus Jesus nib t’uf ni nge ayuweg e pi fager rok ni engel nge girdi’, mab ga’ fan u wan’ e ayuw ni ur pied ngak.—Luke 22:28, 43.
16. Uw rogon nrayog ni nge ayuwegdad e pi fager rodad u lan e ulung ni ngad chugurgad ngak Jehovah?
16 Ga ma ning e ayuw ko pi fager rom u lan e ulung, ma ma m’agan’um ko ayuw ni yad ma pi’ ngom, fa? Gad ra weliy e magawon rodad ngak reb e fager rodad ni ke ilal ko tirok Got ban’en, ma gathi be yip’ fan nib war e michan’ rodad, ya re n’ey e rayog ni nge ayuwegdad. Am lemnag e n’en ni yog James ni faan kan weliy murung’agen. I yog ni gaar: “Bochan ni boor e Kristiano ni kar ilalgad ko tirok Got ban’en nrib fel’ e thin romad, ma rib ga’ e ayuw ni ke pi’ e re n’ey ngog. Nap’an nug ra lemnag boch ban’en nde puluw, ma pi fager rog ney e yad ma gum’an’naged yad ngar motoyilgad ngog ma rogned ni gub t’uf rorad. Nap’an ni yad ra rin’ e re n’ey, ma ma ayuwegeg ni nggu nang ni gub t’uf rok Jehovah ma be lemnageg.” Ere rib ga’ fan ni ngad guyed rogon ni ngari chugur e tha’ u thildad pi walagdad!
UM PAR NI GAB T’UF ROK JEHOVAH
17-18. Mini’ e thingar da motoyilgad ngak, ma mang fan?
17 Baadag Satan ni nge mulan’dad ma gad tal i rin’ e tin nib mat’aw. Baadag ni ngad lemnaged ndad t’ufgad rok Jehovah, ma dariy rogon ni nge pi’ e yafos ngodad. Machane ba tamilang ko n’en kad filed nde riyul’ e re n’ey.
18 Ri gab t’uf rok Jehovah. Faan ga ra fol rok, ma ‘ga ra par ni gab t’uf rok’ ni manemus ni bod Jesus. (John 15:10) Ere dab mmotoyil ko tin be yog Satan, ma dab kum lemnag ndam t’uf rok Jehovah. Ya ngam motoyil ngak Jehovah ni ir e ma yaliy fel’ngidad ni be’ nge be’. Ngari mich u wan’um nib “felfelan’ ngak e girdi’ rok” ni gab muun ngay!
TANG 141 Yafos ni Kan Pi’ nib Tow’ath
^ par. 5 Bay boch i walagdad nde mich u wan’rad ni yad ba t’uf rok Jehovah. U lan e re article ney e gad ra weliy riy fan nrayog ni nge pagan’dad ni ma t’ufegdad Jehovah ni be’ nge be’. Ku gad ra weliy e n’en nrayog ni ngad rin’ed u nap’an ni be maruwar u wan’dad rogon e t’ufeg rok ngodad.
^ par. 2 Kan thilyeg fithingan boch e girdi’ u roy.
^ par. 67 MURUNG’AGEN E SASING: U m’on ni nge nang Paul e tin riyul’, ma boor e Kristiano ni i yon’rad nga kalbus. Nap’an ni m’agan’ ko n’en ke rin’ Jesus ni fan ngak, ma aram me thilyeg e ngongol rok miki pi’ e athamgil nga laniyan’ e pi walagen ni Kristiano, ni boch i yad e i gafgownag e girdi’ rorad.