Bay borran ni yaliy reb e walag nib pin u New Zealand fare video ni kenggin e “Have . . . Concern for One Another” ni be weliy rogon ni ma dag Jehovah e runguy ngodad. (Isa. 63:​7-9) Tomuren me dugliy ni nge fol ko n’en ke fil riy ni aram e nge ayuweg be’. Ere nap’an ni bay u kantin e rofen nem me mada’nag be’ nib pin ndariy e naun rok me yog ngak ni bayi chuw’iy e ggan ni nge kay, ma aram me m’agan’ fare pin ngay. Nap’an ni yan i chuw’iy e ggan nge sul, me fanay fare tract ni kenggin e Bay Ba Ngiyal’ Nra M’ay e Gafgow, Fa? ni nge machibnag fare pin.

I tabab fare pin ko meyor me yog nni chuguliy ni ir reb e Pi Mich, machane ke yoor e duw ni ke digey e tin riyul’. Machane dawori n’uw nap’an ni ke meybil ngak Jehovah ni nge ayuweg ni nge sul ngak bayay. Ere pi’ ba ken e Bible ngak fare pin me yarmiy ni ngar filew e Bible. a

Rayog ni ngad runguyed e girdi’ nib muun e girdi’ rodad ngay nge pi walag u lan e ulung ni bod Jehovah, mu kud gayed e kanawo’ ni ngad machibnaged yugu boch e girdi’ riy.