Gathi kemus ni gad ma liyor ngak Jehovah u nap’an e pi muulung, nge assembly, nge convention rodad, ya ku gad ma liyor ngak ni yigoo gadad, ara gadad chon e tabinaw rodad. Baaray boch ban’en nrayog ni ngam fil ni yigoo gur ara gimed e tabinaw rom:

• Ngan fal’eg rogoy ko muulung. Rayog ni ngan fil e pi tang rodad min ayuweg gubin e girdi’ u lan e tabinaw ni ngar fal’eged rogon reb e fulweg ni ngar pied.

• Ngan beeg murung’agen ban’en u Bible. Tomuren min yoloy yaan ban’en ni buch ni kan beeg murung’agen ara ni yoloy nga but’ ban’en ni kan fil riy.

• Ngan beeg reb e meybil ni bay u Bible, ngemu’ min weliy u taabang rogon nrayog ni nge ayuwegey ni ngan mon’ognag rogon e meybil ni yima tay.

• Ngan yaliy reb e video rodad ngemu’ min weliy murung’agen u taabang ara ni yoloy nga but’ boch ban’en ni kan fil riy.

• Ngan yaliy e tin kan sunmiy min fal’eg i lemnag ara ni weliy e n’en be fil ngodad u murung’agen Jehovah. a