BAN’EN NRA AYUWEGEY KO FOL BIBLE
Ngan Yoloy Yaan Ban’en Ya Nge Dabin Pagtalin
Gathi gubin ngiyal’ nib mom ni nge yib ngan’dad e n’en kad filed. Machane boor ban’en ni i fil Jesus ndarud paged talin ni bochan e ba ga’ ni ma fanay e fanathin. Rayog ni ngad susunnaged e pi n’em u lanin’dad, ma re n’ey e ra ayuwegdad ni nge dab da paged talin. Ere ku arrogon nrayog ni nge dab da paged talin e n’en gad be fil ni faanra ud susunnaged yaan u lanin’dad. Uw rogon ni ngam rin’ e re n’ey? Aram e ngam yoloy yaan boch ban’en nga but’ u nap’an ni ga be fil boch ban’en.
Piin yad ma yoloy yaan boch ban’en nib beech ni kar filed e ba ga’ ndarur paged talin e pi n’em. Yad ra yoloy yaan boch ban’en nga but’ ma gathi kemus ni ma ayuwegrad ni ngar nanged fan e thin ni bay riy, ya ku ma ayuwegrad ni nge tamilang u wan’rad e n’en nib ga’ fan riy. Ba ga’ ni yad ma yoloy yaan boch ban’en nga but’ nib mom ni ngan yoloy. Ma kan pirieg e mich riy ni piin pilibthir e rayog ni ngki yib angin e re n’ey ngorad.
Ere yay ni migid ni ga ra fil e Bible rom e rayog ni ngam guy rogon ni ngam yoloy yaan boch ban’en ni kam fil nga but’. Ya sana ga ra gin nga urngin ban’en nra par u lanin’um!