Ba milfan ko piin gallabthir ni ngar filed murung’agen Jehovah ngak pi fakrad. (Efe. 6:4) Ere boor ban’en ni ke ngongliy e ulung rok Jehovah ni nge ayuweg e piin gallabthir. Uw rogon nrayog ni ngam fanay e pi n’ey ni ngam skulnag pi fakam?

• Mu gay e pi n’em. Gubin ban’en ni kan ngongliy ni fan ko piin bitir ni bay ko JW.ORG nib muun ngay e pi video nge boch e babyor. a Ra ngam pirieg e pi n’ey mag typenag fare bugithin ni “Children” ara “Teenagers” ko gin yima gay boch ban’en riy.

• Mmel’eg boch ban’en nib m’ag ngorad. N’en bay u tan fare bugithin ni “Children” e rayog ni nge ayuwegem ni ngam mel’eg boch ban’en nib m’ag ngak fakam. Ra ngam pirieg e pi n’ey mag typenag fare thin ni “Family Worship Projects” ko gin yima gay boch ban’en riy.

• Mu weliyed e pi n’ey u taabang. Dab mu pag fakam ni kemus ni nga i yaliy e pi video ney ma be yoloy e pi babyor ney ni yigoo ir ya nge mit riy. Ya n’en ngam rin’ e ngam weliyew u taabang, mag ayuweg ni nge fel’ e tha’ u thilrow Jehovah.