Mang e N’en ni Be Yog e Bible?
Rayog ni nge ayuwegem e Bible ni ngam athamgil u fithik’ e pi magafan’ rom, fa?
Mang e ga ra yog?
Arrogon
Danga’
Sana
N’en ni be yog e Bible
“Mpaged fan urngin e magafan’ romed ngak [Got], ya be lemnag rogomed.” (1 Peter 5:7) Be micheg e Bible nrayog rok Got ni nge ayuwegem ni nge war e magafan’ rom.
Mang e ku rayog ni ngad filed u lan e Bible?
Faan ga ra meybil, ma rayog ni nge pi’ Got e “gapas rok” ngom nra ayuwegem ni nge war e magafan’ rom.—Filippi 4:6, 7.
Maku reb e, faan ga ra beeg e Thin rok Got ma rayog ni ngam athamgil u fithik’ e mochuch rom.—Matthew 11:28-30.
Gur, ra taw nga ba ngiyal’ ma rayog ni nge par e girdi’ ndab ki i magafan’rad?
Ma lemnag boch e girdi’ . . . ni magafan’ nge mochuch ni ma tay e girdi’ e ka aram bang ko par rodad, ma boch e girdi’ e yad ma lemnag ni fin ngiyal’ ni yad ra yim’ nga ranod nga tharmiy e aram e ngiyal’ nra chuw e magafan’ rorad. Uw rogon ni ga be lemnag?
N’en ni be yog e Bible
Ra chuweg Got urngin e pi n’en ni ma k’aring e magafan’ ko girdi’. “Dab ku unim’, ma dab ki i kireban’uy, ma dab ku un yor, ma dab ku un amith.”—Revelation 21:4.
Mang e ku rayog ni ngad filed u lan e Bible?
Nap’an nra tabab Gil’ilungun Got ko gagiyeg, ma aram e ra par e girdi’ u fithik’ e gapas nge felfelan’.—Isaiah 32:18.
Dabki yib e mochuch nge magafan’ ko girdi’ nib pag rogon.—Isaiah 65:17.
