“Bay reb e nam me cham ngak reb e nam, ma gin nsuwon reb e pilung e bayi mahl ko gin nsuwon reb e pilung . . . Urngin e pi n’ey e bod e bin som’on e amith ni ma yib ngak be’ ni nge gargel.”

Matthew 24:7, 8

“Boor bogi profet ni yigoo bogi ban’en ni bay ra m’uggad ngar banniged boor e girdi’. Ma aram gelngin ni bayi wer ko girdi’ e tin nib kireb ni aram e rogon nib t’uf be’ rok be’ e bayi meewar.”

Matthew 24:11, 12

“Ngiyal’ ni gimed ra rung’ag lingan e mahl nib chugur nge murung’agen e mahl nib orel, ma dab mu rusgad; ya pi n’ey e thingari yib, machane gathi fan e pi n’ey e aram e ke taw nga tungun.”

Mark 13:7

“Gubin yang ni bay i yib e durru’ nib gel riy, nge uyungol, nge liliy nib machreg ni ma af ko girdi’ i yan, ma bayi m’ug bogi ban’en u lan e lang nib gel e marus ni bay nta’ riy nge bogi pow ni ba ga’.”

Luke 21:11

 “Tin tomren e rran e ri bay mo’maw’ ni ngan par nrogon e tin riyul’ ni girdien Kristus. Ya bayi par e girdi’ ni ke mus ni yad e yad be lemnagrad, ma kari gel e chogow rorad, ma kar ufanthingad, ma ke tolangan’rad ni yad be lemnag nri ba ga’ farad; ma bay urogned e thin nib kireb ngak e girdi’, ma bay dab kur folgad rok e gallibthir rorad, ma bay dab kur pininged e magar ngak be’ u lanin’rad, ma bay dab kur liyorgad ngak Got; ma bay dab kur golgad, ma bay dab kur runguyed e girdi’, ma bay ur t’ared e thin nga daken e girdi’, ma dariy fan ban’en u wun’rad, ma yad ba damumuw; ma bay ra dabuyed e tin nib fel’; ma dabiyog ni nge pagan’uy ngorad, ma dariy fan e girdi’ u wun’rad, ma yad ba uf; ma bayi t’uf e fafel rorad me tomur Got u wun’rad; ma bay ur dake yad be liyor ngak Got, machane bay ra pied keru’rad nga gelngin.”

2 Timothy 3:1-5