DEER NI 10
Mang e N’en ni Be Micheg e Bible ni Fan ko Gabul nge Langlath?
“Piin ni yad mmat’aw e bay ra pired u daken e binaw u fithik’ e gapas, me par ni taferad ni dariy n’umngin nap’an.”
“Fayleng e ka be par ni ka rogon.”
Eklesiastes 1:4, BT
“Somol ni Th’abi Tolang e bayi kirebnag gelngin e yam’ ni manemus! Bayi faley e lu’ u owchen gubin e girdi’.”
Isaiah 25:8, BT
“Pi malmit e bay ra guyed ban’en ma piin ni biling e bay rrung’aged ban’en. Piin ni mugutgut e bay ra oggad nga lang nguur churu’gad, ma piin ndabiyog ni ngar nonod e bay ur tolulniged e felfelan’. Ma bay yan e yu pa’ i lul’ u daken yungi ted nder tugul ban’en riy.”
“Ma bayi n’ag urngin e lu’ u owcherad. Ma aram e dab ku unim’, ma dab ki i kireban’uy, ma dab ku un yor, ma dab ku un amith. Ya tin kakrom ban’en e ke chuw.”
“Girdi’ e bay ra toyed e naun mi yad par u lan, ma gathi yugu be’ e bay yib i par ngay. Bay ra yunged e woldug ni grapes me fel’ rogorad u logowen, ma gathi yugu boch e girdi’ e bay ur unumed. Girdi’ rog e bayi n’uw nap’rad ni bod e gek’iy. Pi n’en ni kar muruwliyed e ri bayi fel’ rogorad riy.”
