“Bethlehem Efrathah, . . . gur e bay gu fek be’ rom nge mang ir e i gagiyegnag yu Israel.”

Mikah 5:2

“I Jesus e ni gargeleg u lan e binaw nu Bethlehem, ni bay u lan e nug nu Judea, ko ngiyal’ nem ni baaram ni Herod e pilung. De n’uw nap’an ni kan gargeleg Jesus me yib boch e girdi’ u ngek nga Jerusalem, ni girdi’ ni manang murung’agen e t’uf.”

Matthew 2:1

“Mad rog e kar f’othed rorad, ma ka ron’ed nga but’ nochi malang ni bay e pow riy ni ir e nge dugliy e arorad ni nge fanay fare mad rog nib n’uw.”

Psalm 22:18

“Me weliy fapi salthaw rorad ni lungurad, ‘Dab da guchthuyed; ya nga don’ed nga but’ nochi ban’en ni bay e pow riy ngad guyed e en ni ir e nge fanay.’ Mi yad yodorom ni bochan e nge yib i m’ug nib riyul’ e tin ni yog e babyor nib thothup ni gaar: ‘Kar f’othed e mad rog u fithik’rad, ma ka ron’ed nga but’ nochi ban’en ni bay e pow riy ni ir e nge fanay fare ke mad rog nib n’uw.’ Ma aram me rin’ fapi salthaw ni ara’ rogon.”

John 19:24

“I Somol e be ayuweg be par ndariy ban’en nra buch rok, ma dariy taareb e yil u dow nra nt’ar.”

Psalm 34:20

“Machane faan ra bad ngak Jesus mi yad guy ni ke aw e fan rok, ma aram e dakur t’ared yilen ay.”

John 19:33

“Ni maad’ad ngak ni bochan e denen rodad.”

Isaiah 53:5

“Me rugoy bagayad fapi salthaw e sarey rok nga p’eyon Jesus, ma ka chingiyal’ nem me map’ e racha’ nge ran riy nga but’.”

John 19:34

“Ma aram mi yad pi’ guyey yang e silber ni puluwog.”

Zekariah 11:12, 13, BT

“Ma bagayad fa ragag nge l’agruw i gachalpen Jesus ni faanem ni Judas Iskariot fithingan e yan ngak e pi tolang ko prist me gaar, ‘Faanra gu yognag Jesus ngomed ma mang e gimed ra pi’ ngog?’ Ma aram mi yad theeg guyey e salpiy ni silber ngar pied ngak.”

Matthew 26:14, 15; 27:5