DEER NI 18
Uw Rogon Nrayog ni Ngam Chugur ngak Got?
“Ni bochan e ga be fulweg taban e meybil. Urngin e girdi’ e ngar bad ngom.”
“Mu pagan’um ngak Somol u polo’ i lanin’um, ma ri dab mu tor ko tin ni ga be finey ni ga manang. Nguum lemnag Somol u fithik’ urngin ban’en ni ga be rin’, me dag ngom e bin nib mat’aw e kanawo’.”
“Baara’ ira’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, mi yad nang ko mini’ Jesus Kristus, ni ir e kam l’og ke yib.”
“Bin riyul’ riy e dariy bagadad nib mal’af Got rok nga orel.”
“Baaray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yog ni ngam nanged e tin nib mat’aw ko tin nde mat’aw.”
“Faanra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.”
“Mu chugurgad ngak Got, me chugur ngomed. Pi tadenen, mmalukniged pa’med! Gimed e piin ni gimed ba dake modingniged gimed, mu klinniged lanin’med!”
“Baaray fan ni nge t’uf Got rodad: fan e ngad folgad ko tin ni ke yog ni ngad rin’ed. Ma tin ni ke yog ni ngad rin’ed e gathi rib mo’maw’.”