Mu sap nga fel’ngin e piin be motoyil. Nge pagan’um ngay ni piin be motoyil e yad baadag ni ngar rin’ed e tin nib m’agan’ Jehovah ngay. Mus ni faanra ba t’uf ni ngam fonownagrad, ma som’on e nga mog e tin nib fel’ ni kar rin’ed.

Dab mu weliy thibngin ban’en nib pag rogon. Faanra ngam weliy thibngin ban’en, ma kemus ni tin nib ga’ fan ni ngan nang e ir e ngam weliy. Welthin rom e thingari pi’ e athamgil nga lanin’uy.

Mu fanay e Thin rok Got nib fel’ rogon. Mu k’aring e piin be motoyil ni ngar lemnaged e n’en ni ke rin’ Jehovah, nge n’en ni be rin’ e chiney, nge n’en nra rin’ boch nga m’on ni fan ko girdi’. Mu pi’ e athamgil nge gel nga lanin’rad.