Mu tamilangnag e thin riy nib ga’ fan. Tomuren ni kam beeg reb e thin nu Bible, mag tamilangnag yu bugithin riy ni bay rogon ko n’en ni ga be weliy. Rayog ni ngam rin’ e re n’ey ni aram e ngam sul u daken e yu bugithin nem ara mu fith reb e deer nra ayuweg e piin be motoyil ngom ni ngar guyed e tin nib ga’ fan e thin riy.

Mu tamilangnag e n’en nib t’uf ni nge par u laniyan’ e piin be motoyil. Nap’an ni ga ra beeg reb e thin nu Bible mag weliy rogon nib l’ag ko n’en ni ga be weliy.

Mu tamilangnag rogon ni ngan fol ko fare thin nu Bible. Dab mu weliy boch ban’en ndariy rogon ko n’en ni ga be guy rogon ni ngam tamilangnag. Mu dugliy urngin ban’en nib t’uf ni ngam weliy nra tamilangnag fan fapi n’em u wan’ e piin be motoyil ni be yan u rogon e tin ni yad manang ko n’en ni ga be weliy.