“Garog ko yafos e ba wen’in, ma kanawo’ ni yan ngay e mmo’maw’, ma ba lich e girdi’ ni be pirieg.”—Matthew 7:14

Uw rogon ni kad nanged ni gathi gubin mit e liyor nib fel’ u wan’ Got?

• Matthew 7:21-23

  Gathi gubin raba’ e teliw mab fel’ u wan’ Got, ya gathi yad gubin ni yad ma rin’ e tin nib m’agan’ ngay.

• Matthew 7:13, 14

  Bin riyul’ e liyor e ra pow’iyey ko yafos ni manemus, ma teliw ni googsur e yira thang.

• Matthew 7:16, 17

  Rayog ni ngam nang e bin riyul’ e liyor ko ngongol ko girdi’ riy. De t’uf ni ngam fil murung’agen gubin raba’ e teliw ya kemus ni ngam fil e n’en ni be yog e Bible.

• 1 Thessalonika 2:13; 2 Timothy 3:16, 17

  Kemus ni n’en ni bay u lan e Bible e nge mich u wan’um mag fil ko girdi’.

• Matthew 4:10; John 17:6

  Mu pigpig ngak Jehovah mu um fanay e ngachal rok.

• John 13:35

  Nge bagadad me t’ufeg bagadad.

• John 3:36; Acts 4:12

  Mu fol rok Jesus. I fanay Got Jesus ni nge yognag e yafos ngodad.

• John 18:36; Acts 5:29

  Dab mu un nga ngongolen e am.

• Matthew 24:14; 6:10

  Mu fil ngak e girdi’ ni kemus ni Gil’ilungun Got e rayog ni nge chuweg e magawon rodad.

Mang e thingar mu rin’ me fel’ e liyor rom u wan’ Got?

• James 2:19

  Gathi kemus ni nge mich Got u wan’um, ya ba t’uf ni ngam rin’ e n’en ni be yog u Bible.

• Isaiah 52:11; Revelation 17:5

  Teliw ni googsur ara fare “Babylon ni Gilbuguwan” e yad ma fil boch ban’en ko girdi’ nde m’agan’ Got ngay. Boch e machib rorad e muun ngay fare machib u murung’agen e Trinitas, nge yaal, nge nifiy ndabi math biid.

• Revelation 18:4, 8

  Dabki n’uw nap’an me thang Jehovah gubin raba’ e teliw ni googsur. Ere, ba t’uf ni ngam siyeg gubin ban’en ni bay rogon ko teliw ni googsur.

• Mark 10:28-30

  Sana ra yib e togopuluw ngom, machane dabi pagem Jehovah.