16. Mmel’eg ni Ngam Pigpig ngak Got
1 MU CHUW KO LIYOR NI GOOGSUR
“Mu chuwgad rorad, ngam pithiged gimed rorad. Ma dariy ban’en ni ngkum rin’ed ko n’en nde klin.”
Mang fan nib kireb ni ngan meybil ko liyos nge piin ni kar m’ad?
-
Dabun Jehovah ni ngad fanayed e liyos ni fan ko liyor ni gad ma tay.
-
Piin ni yad ma non ngak e piin ni kar m’ad e yad be non ko pi kan nib kireb.
2 GATHI GUBIN E MADNOM NI YIMA TAY NIB M’AGAN’ GOT NGAY
“Mu guyed rogon ngam nanged e n’en ni ir e mm’agan’ Somol ngay.”
Uw rogon nrayog ni ngam dugliy ko ngam un nga reb e madnom ni yira tay fa danga’?
Ezekiel 44:23; 2 Korinth 6:14, 15
Mu guy rogon ni ngam nang ko fare madnom e ke sum rok e piin ni yad ma liyor nga boch e got ni googsur fa danga’.
-
Mus ni faanra dariy rogon fare madnom ko liyor ni googsur, machane ku rayog nde m’agan’ Got ngay.
-
Dab mu un ko pi madnom ara pi rran ni yima madnomnag ni ngan tayfan boch e girdi’ riy, ara boch e ulung ni ke sunmiy e girdi’, ara boch ban’en ni bay rogon ko nam.
-
Mmaruwel ko tamilangan’ ni kan pi’ ngom ya nge yag ni nga i par e nangan’ rom nib beech u p’eowchen Jehovah.
3 MU WELIY E MICHAN’ ROM U FITHIK’ E SUMUNGUY
“Umogned e thin ngorad nib fel’ ma ba’ fan, ma thingar mu nanged rogon ni ngam pied e fulweg nib mat’aw ko tin ni ke fith be’ nge be’ ngomed.”
Susun ni uw rogon ni ngam weliy e michan’ rom ngak yugu boch e girdi’?
-
Mu tayfan e n’en ni ke dugliy yugu boch e girdi’ ni ngar rin’ed, ni bod rogon gur ni ga baadag ni ngki tay e girdi’ fan e n’en ni kam dugliy ni ngam rin’.
-
Mu dag e sumunguy, ma dab mu togopuluw ngak be’ u nap’an ni ga be weliy e michan’ rom ngak.
-
Mu weliy e michan’ rom u fithik’ e sumunguy nge tayfan.
-
Faanra um un ko pi muulung ni ma tay e piin Kristiano ma rayog ni nge pi’ e piin ni kar uned ko muulung e athamgil nga lanin’um mar ayuweged gur ni ngam nang e n’en ni nga mog ngak be’ ni ke fith boch ban’en ngom u murung’agen e pi n’en ni ke mich u wan’um.