“Got e rib t’uf e girdi’ nu fayleng rok, ma aram me pi’ Fak ni kari maagirag rok nge yib, ni fan e nge urngin e piin ni michan’rad ngak e aram e dab kur m’ad, ya ke yog e yafos ndariy n’umngin nap’an ngorad.”—John 3:16

Uw rogon ni ma dag Got ni gab t’uf rok?

• Psalm 91:2

  Jehovah e ir e manaf rodad. Rayog ni nge ayuwegdad ko pi magawon ni gad ma mada’nag e ngiyal’ ney.

• Psalm 37:29

  Ke pi’ e athap nib manigil ni fan ngodad boch nga m’on.

• 1 Timothy 6:12, 19

  Ra pi’ Got e yafos ndariy n’umngin ngodad ma ra fal’eg urngin ban’en ngki fel’ bayay. Gad ra par u paradis u fithik’ e gapas, nge felfelan’, ma ke fel’ fithik’ i dowdad.

“Thingari t’uf rom Somol ni ir e Got rom u polo’ i gum’irchaem, ngu polo’ i lanin’um, ngu polo’ i lem rom.”—Matthew 22:37

Faanra ba t’uf Got rom, ma mang e ra k’aringem ni ngam rin’?

• Luke 17:12-17

  Ga ra pining e magar ngak Got ko pi n’en ni ke rin’ ni fan ngom.

• Matthew 7:16-20

  Ga ra dag nib t’uf Got rom ni aram e ra um rin’ e n’en nib m’agan’ ngay ni gubin e rran.

• 1 John 5:3

  Ga ra fol ko pi motochiyel rok Got.

• 1 Timothy 6:18

  Ga ra athamgil ni ngam rin’ boch ban’en nib fel’ ni fan ngak yugu boch e girdi’.

“Um pired ni gimed ba t’uf rok Got.”—Jude 21

Mang e ra ayuwegem ni ngam par ni gab chugur ngak Jehovah?

• 1 Thessalonika 5:17

  Ngaum meybil ni gubin ngiyal’.

• Matthew 28:19, 20; 2 Timothy 4:2

  Mu athamgil u rogon nrayog rom ni ngam weliy murung’agen Gil’ilungun Got ngak yugu boch e girdi’.

• Proverbs 2:1-5

  Mu ulul ni ngaum fil murung’agen Jehovah.

• Hebrews 10:24, 25

  Mu un ko muulung ni gubin ngiyal’. Ra ayuwegem e pi walag u lan e ulung ni ngari chugur e tha’ u thilmew Jehovah.