“Piin ni yad mmat’aw e bay ra pired u daken e binaw u fithik’ e gapas, me par ni taferad ni dariy n’umngin nap’an.”—Psalm 37:29

Mang e ba m’agan’ Got ngay ni fan ko girdi’?

• Genesis 1:28

  Baadag Got ni nge fal’eg e girdi’ e fayleng nge mang paradis, mar ayuweged e gamanman.

• Isaiah 46:9-11; 55:11

  Dariy ban’en nrayog ni nge taleg Got ni nge dabi rin’ e n’en nib m’agan’ ngay.

“Tin ni ka ba’ e girdi’ nu fayleng e ke suweyrad Faanem nib Kireb.”—1 John 5:19

Mini’ e be gagiyegnag e fayleng?

• John 12:31

  I yog Jesus ni Satan e ir e be gagiyegnag e fayleng.

• James 1:13-15

  Baadag Satan ban’en nde milfan ngak.

• Genesis 2:17; 3:1-6

  I bannag Satan Efa, ma daki fol Adam nge Efa rok Got, ma boch nga tomuren mar m’ow.

• Roma 3:23; 5:12

  Gad ma yim’ ni bochan e ke af e denen rok Adam ngodad.

“Ma ga par ni gur e ga be gagiyegnagmad, min rin’ e tin nib m’agan’um ngay u roy u but’.”—Matthew 6:10

Mang e ra rin’ Jehovah?

• Daniel 2:44

  Am rok Got e ra yan nga lon gubin e am u fayleng.

• Revelation 16:14-16

  Ra thang Got e re fayleng nib kireb ney u nap’an e Armageddon.

• Isaiah 9:6, 7

  Ke mel’eg Jehovah Jesus ni nge mang Pilung ko am Rok u tharmiy, ma ir e ra gagiyegnag e fayleng.

“Ba gaman urngin ni be pi’ ngorad nge yan i aw ni ke fel’ u wun’rad ni yad gubin e tin ni ke yog ngorad.”—Psalm 145:16

Mang e ra rin’ Gil’ilungun Got ni fan ngodad?

• Psalm 46:9

  Ra m’ay e mahl, nge bugel, nge cham.

• Isaiah 32:18; 65:21-24

  Nap’an ni gad ra yan nga lan e bin nib beech e fayleng, ma gubin e girdi’ nra yag e naun nge milay’ nib fel’ ngorad, mar pared u fithik’ e gapas.

• Psalm 72:16

  Ra yoor e ggan.

• Isaiah 11:6-9

  Ra gapas thilin e girdi’ nge gamanman.

• Isaiah 33:24; Acts 24:15

  Dakuriy be’ nra m’ar, ma yira faseg e piin ni kar m’ad.