“Gog ko tabolngin e tin ni bay ko tungun; kab kakrom mu gog e tin ni bay yib.”—Isaiah 46:10

Mang e gad manang u murung’agen e tin tomuren e rran?

• Daniel 7:13, 14

  Ke Pilung Jesus u tharmiy ko duw ni 1914.

• Matthew 24:3-14

  Ke yiiynag Jesus nra mo’maw’ e par ko girdi’.

• Revelation 12:7-9, 12

  De n’uw nap’an nga tomuren ni Pilung Jesus, me tharbog Satan u tharmiy nga fayleng. Kari damumuw Satan ni bochan e “dabki n’uw nap’an ni nge par” me thang Got.

“Mang e pow ko . . . ngiyal’ ni ke chugur nga tomuren e re m’ag ney?”—Matthew 24:3, NW

Kam guy e pi yiiy u Bible ni be lebug, fa?

• Matthew 24:7; Luke 21:11

  Yibe mahl, ma be yim’ e girdi’ ko bilig, ma ke yoor e durru’ nge m’ar. Pi n’ey e ke gel e kireb riy ko kafram.

• 2 Timothy 3:1-5

  Ke weliy apostal Paul rarogon e ngongol ko girdi’ u nap’an e tin tomuren e rran.

• Daniel 12:4

  Chiney e be ayuweg Got e girdi’ ni nge tamilang e thin nu Bible u wan’rad ko kafram.

• Matthew 24:14

  Yibe machibnag fare thin nib fel’ ni murung’agen Gil’ilungun Got u ga’ngin yang e fayleng.

“Re Rran rok Somol nem e bay taw ni bod be’ nib moro’ro’ ni yib nnep’.”—1 Thessalonika 5:2

Bochan ni kari chugur e tomur, ma mang e ba t’uf ni ngam rin’?

• John 17:3

  Mu tiyan’um ko fol Bible ni ga be tay.

• Hebrews 10:24, 25

  Boor ban’en ni ga ra fil ni faan ga ra un ko muulung ko Pi Mich Rok Jehovah.

• James 4:8

  Mu thilyeg boch ban’en ko ngongol rom ya nge yag nim chugur ngak Got.

• Luke 21:34-36

  Mu siyeg boch ban’en nra magawonnagem, mag tiyan’um ko pigpig ni ga be tay ngak Jehovah.