PI WALAG NI NGAR AYUWEGED E GIRDI’ NI KAR BAD KO RE MUULUNG NEY Pi walag ney e ba milfan ngorad ni ngar ayuweged gur. Ere, mu fol u rogon ni yad be yarmiy e gin ngan tay e karrow riy, nge chiya ni ngan par ngay, nge ku boch ban’en.

TAUFE Thal ni nga m’on e chiya e yira tay ni nge par e piin ngar uned ko taufe ngay. Thingari par e piin ngar uned ko taufe ko pi chiya nem u m’on ni ngan pi’ e welthin ni fan ko taufe ko Sabado ni kakadbul. Piin yad ra un ko taufe e ra bagayad ma nge fek e tawol rok nge reb e mad ni nge chuw ngay.

SALPIY NI AYUW Boor ban’en ni kan yarmiy rogon ni fan ko re convention ney nge piin yad ra un ngay ni bod rogon e chiya ni ngan par ngay, nge mic ni ngan non riy, nge musik, nge ku boch ban’en. Kan fal’eg rogon e pi n’ey ni nge ayuwegdad ni ngad uned ko re convention ney ma gad felfelan’ ngay, miki chugurnagdad ngak Jehovah. Ere, salpiy ni ayuw ni ga ra pi’ e aram e n’en nrayog ni nge pi’ e ayuw ko pi maruwel ney nge pi maruwel ni yibe rin’ u ga’ngin yang e fayleng. Ere, bay e kahol ni kan tay nrayog ni nga non’ e salpiy ni ayuw ngay. Ku rayog ni ngam man ko donate.pr418.com ngam pi’ e salpiy ni ayuw u online. Yira felfelan’ ko ayuw ni ga ra pi’. Maku baadag fare Ulung ni Ma Pow’iyey ni nge pining e magar ngom ko ayuw ni ga ra pi’ ni fan ko re maruwel ney.

FIRST AID Biney e kan yarmiy rogon ni fan ku be’ ni ke m’ar nib tomgin.

CHUGUM KU BE’ NI KAN PIRIEG Faanra kan pirieg ban’en ndan nang ko mini’ e fen, ma rayog ni ngan fek ngan pi’ ngak e piin yad be pi’ e ayuw ko biney e maruwel. Ere, faanra ke yan reb e chugum rom nga bang, ma rayog ni ngam man mu guy e pi cha’ney.

CHIYA NI NGAN PAR NGAY Mu lemnag e piin yad ra un ko re muulung ney. Dab mu pagtalin ni yigoo piin kam bad u taareb e karrow, ara piin gimed ma par u taab tabinaw, ara piin ga be fil e Bible ngorad e rayog ni ngam tay e chiya ni fan ngorad. Dab mu tay e chugum rom nga daken boch e chiya ndawor mu tay ni fan ngak be’.

AYUW NRAYOG NI NGAM PI’ Faanra ga baadag ni ngam pi’ e ayuw ko pi maruwel ni yira rin’ ni fan ko re convention ney, ma rayog ni ngam guy e piin yad be yarmiy e biney e maruwel.

School For Kingdom Evangelizers Piin pioneer ni bay e duw rorad u thilin e 23 nge 65 ni yad baadag ni ngar yoornaged e kanawo’ ni yad ma machib riy e yibe piningrad ni ngar uned ko muulung ni yira tay ni fan ko fare skul ni ka nog e School for Kingdom Evangelizers ngay ko Madnom ni mithigyal’. Bay fin nog e ngiyal’ nge re gin’en ni yira tay e re muulung ney riy.