Té fhou ngou’ 2018, aziè akèté sang lè azi mpè fôk-é ndôkô mbheu nkeu Lefô, a wuè ta’ athouô ashoung-né zi a si nkè’tè. Nkwa mékèté mèt é zôp a nteu Atou’ô nzi’nè. Ndôkô nguè mpè ghô lôk mbheu nkeu Lefô. Mpè ghô wè mékèté mouô mèt afœu’ zi mpè si ngueô lézing, kèè ngueô mé éssaa lè. Mpè té lôk mékèté mouô mèt ntsang mézi’né Biible a nka’ Lefô, téta’, é ghô ké ntshouné épouô a létsaa a lézhè azou anè Ndem.

O zii ashoung-né pô gning anè akèté mèt, o tsui yi ta’ léleung Biible mbing éshoung-ô akwangté zi ntshiè anè ta’ ashoung-né zi a nteu éwou, azi a ghô pông-ô yi. Mpè nna’ mbè éfœu’: A ghô yi a wuè ta’ atseung-è nguia zi a si nkô’tè, kèè yi a nteu nguengue, kèè nzeung ngô yi a ké pii gning lè, mbô o ghô leu nguè: “Meung ké lèè ntông amô’ akeum akèté anè anou jiô mèt. Tè meung ngô tsui wou?” O jiô léghè a pông-ô ngang, o yè yi ta’ akèté, ngô té poup-ô, o too nguiè a mbou yi a nteu atông-ô mveung-è, tè mbô yi a mvhô légheuô yi pè yi shoung-nè. Tè mbô pa’ mpè té lèè ntoo ngôô ngapté mékèté laa, mékèté mèt é ghô ké nkuitè yimpè a léjiô épouô pi pô si ntsaa wôp a lézing anè métsoo mi pô zi’né anè Ndem.​—Actes 13:48.