A SI NGÔ AZOU TÉ NTSEUKNÉ MELA’AKÔ? A té lèè nzang-né a mbou épouô pi é té éji’ jiô, a lékui épouô pi pô té si nzhè wôp-ô. Mela’poup tè a zètè léfôk mbœu’ tè’, té mbheu nkeu Lefô a mbou gning a nnô pôp. Joovah a tsaa mézeung-è épouô pi é té éji’ jiô. (Lév. 19:14) Mpè ghô ping fa’ méshheu a lélôk nkuitè wôp a lézhè Ndem, ndôk fœu’nè Joovah.

O GHÔ GHEU POUP LÈKÔ?

• “Fa’” épouô pi é té éji’ jiô. (Mat. 10:11) Tè o si nzhè mmô’ gning yi gning-è atseung-è nguia wôp a té éji’ jiô? Tè amô’ assikou a lépfou yi pè pheu nkeu Lefô éwou, kèè mmô’ nguia zi mè toung-né wô té jiô éji’ éwou lè, ézi o ghô jiô gning yi a si nkông-ô yi a léwè mékèté épouô pi é té éji’ jiô émi mpè fôk-é?

• Tsui nguè nzwing wôp, é teue a mbou wou. Nkông-né ataa nteu zi o tsui a mbou gning yi a té si njiô éji’è, é ghô kuitè yi a léjou’ô mbông-ô. Fhô anè ajoumi épouô é tshi nteu wôp éwou aji’ zi o nang éwou, té mbheu nkeu Lefô.

• Kuitè wôp anè éshheu ajwakné. Atchou’té ngông swhi a lé fôk mékèté ntsi-ntsi ndôk nkuité épouô pi é té éji’ jiô, a lézhè Joovah. Zètè gning yi pè yi si shoung-nè nguè a kang-a zi, zi a kông. A si nzètè nguè nfènè yi a tsang-a afa’ Lefô a nguia atchou’té, a tchhinèt ntsa’ nguè nkuité ménfènè yi a tchiité mékèté, a ying-nè apipa lélôk nzèté mékèté mi épouô pi é té éji’ jiô é kang.